Далер Миҳтоҷов: «Ҳадафи ташкили намоиш дар Сафорати Франсия муаррифии фарҳангу тамадуни бойи тоҷикон аст»
ДУШАНБЕ, 15.03.2017./ АМИТ «Ховар»/. Намоиши навбатии асарҳои рассоми ҷавон ва муваффақи тоҷик Далер Миҳтоҷов бо номи «Асрори кӯзаҳо» 15 марти соли равон соати 17:30 дар Сафорати Франсия дар Тоҷикистон баргузор мегардад.
Тавре Далер Миҳтоҷов ба хабарнигори АМИТ «Ховар» иброз намуд, намоиш ба омад-омади баҳори нозанин ва Наврӯзи хуҷастапай бахшида мешавад.
Ба иттилои рассом, дар намоиш зиёда аз 25 ҳунари наққошӣ аз ашъори Умари Хайём манзури тамошобинон гардонида мешаванд. Ҳадафи ташкили намоиш дар Сафорати Франсияро Далер Миҳтоҷов дар муаррифии ҳунару фарҳангу тамаддуни бойи тоҷикон ва тавсеаи ҳамкории фарҳангии Тоҷикистон бо Франсия арзёбӣ намуд.
Дар назар аст, ки дар намоиш китоби тозаэҷоди Далер Миҳтоҷов таҳти унвони «Кӯзаҳо чӣ мегӯянд» муаррифӣ шавад. Китоб маҷмӯи ашъори рубоиёти шоири барҷастаи форсу тоҷик Умари Хайёмро дар бар мегирад. «Кӯзаҳо чӣ мегӯянд» чанде пеш бо дастгирии Вазорати фарҳанги Ҷумҳурии Тоҷикистон ва Институти Ҷамъияти кушода-«Бунёди Мадад» дар Тоҷикистон (СОРОС) ба табъ расид.
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
