Дар Берлин ҷаласаи навбатии вазирони туризми кишварҳои аъзои «Шоҳроҳи Абрешим»-и Созмони ҷаҳонии туристӣ баргузор гардид
ДУШАНБЕ, 09.03.2017. /АМИТ «Ховар»/. Дар ҳошияи кори Намоишгоҳи байналмилалии сайёҳии «ITB Berlin-2017» дар шаҳри Берлини Олмон ҷаласаи навбатии вазирони туризми кишварҳои Шоҳроҳи Абрешим баргузор гардид. Дар кори он муовини аввали Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ризо Назарзода ва Сафири Тоҷикистон дар Олмон Маликшо Неъматов иштирок намуданд.
Дар ҷаласа Котиби генералии Созмони ҷаҳонии туристӣ Толиб Рифоӣ оид ба новобаста аз буҳронҳои сиёсӣ ва молиявӣ ва дигар мушкилоти замони муосир таъмин гардидани рушди устувори соҳаи туризм сухан гуфт. Ӯ ҳамзамон диққати кишварҳои иштирокчиро ба боз ҳам содда ва осон намудани раводид равона намуд.
Толиб Рифоӣ иброз намуд, ки «Шоҳроҳи Абрешим бренд ва ё рамзест, ки зарурат ба муаррифӣ надорад ва кишварҳои иштирокчӣ бояд аз ин имконот хуб истифода баранд».
Ҳангоми суҳбат бо намояндагони Тоҷикистон Толиб Рифоӣ аз сафараш ба Тоҷикистон дар моҳи июни соли 2016 ёдовар шуда, иброз дошт, ки «Тоҷикистон кишвари зебо ва мардумонаш самимӣ ва меҳмоннавозанд, аз ин сабаб ояндаи туризми Тоҷикистон дурахшон аст».
Намояндагони Тоҷикистон бо истифода аз ин ҷаласа бо роҳбарони туризми кишварҳои иштирокчӣ ва масъулини барномаҳои Созмони ҷаҳонии туристӣ вохӯриҳои судманд анҷом доданд.
Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
Имрӯз дар водиҳои Тоҷикистон ҳаво то 25 дараҷа гарм мешавад
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
Имсол кишоварзони вилояти Хатлон дар 41 ҳазор гектар кишти пунбадонаи зери плёнка мегузаронанд
Ба Хоҷагии манзилию коммуналии шаҳри Гулистон техникаҳои нав супорида шуд
Муқаддас Султонова: «Дар нақши чаканамон табиати зебои Тоҷикистонро тасвир менамоем»
Имсол дар Тоҷикистон дар чанд гектар кишти пунбадона гузаронида мешавад?
