Муаррифии роҳбари нави намояндагии доимии Бонки аврупоии таҷдид ва рушд дар Тоҷикистон
ДУШАНБЕ, 28.03.2017 /АМИТ «Ховар»/. Дирӯз дар шаҳри Душанбе масоили рушди ҳамкории дуҷонибаи судманд байни Бонки миллии Тоҷикистон ва Бонки аврупоии таҷдид ва рушд (БАТР) баррасӣ гардид. Дар ин бора аз Бонки миллии Тоҷикистон хабар доданд.
Бино ба иттилои манбаъ, Ҷамшед Нурмаҳмадзода, раиси Бонки миллии Тоҷикистон бо Филип Беннетт, ноиби якуми Президенти БАТР, роҳбари гурӯҳи хизматрасонии муштариён вохӯрӣ намуда, аз тавсеа бахшидани муносибатҳои минбаъда дар самти низоми бонкии кишвар, аз ҷумла беҳтар кардани вазъи низоми бонкӣ, саҳмгузорӣ дар маблағгузории соҳибкории хурду миёна, таъсиси ҷойҳои нави корӣ сухан гуфт.
Ҷ. Нурмаҳмадзода таваҷҷуҳи намояндагии БАТР-ро ба масъалаи маблағгузорӣ ва татбиқи барномаҳои пешбининамудаи Хазинаи Бонки Аврупо (ХБА) ҷиҳати дастгирии низоми бонкии кишвар ҷалб намуда, барои равона шудани онҳо ба дастгирии соҳибкории хурду миёна, аз ҷумла дар ноҳияҳои дурдасти кӯҳистон, инчунин устувор гардонидани сиёсати монетарӣ ва ғайра ибрози андеша намуд.
Филип Беннетт, ноиби якуми Президенти БАТР оид ба ислоҳот дар низоми бонкии ҶТ, сармоякунонии бонкҳои муаммодор, ба амал омадани фишорҳои буҳронӣ ба низом, ҳалли мушкилоти бонкҳо, аз ҷумла мушкилиҳои андозӣ сухан карда, барои боз ҳам рушд додани ҳамкории тарафайн дар самти низоми бонкии кишвар пешниҳоду машваратҳои ҷолиб манзур намуд.
Бояд зикр намуд, ки Филип Беннетт дар ин вохӯрӣ ба роҳбарияти Бонки миллии Тоҷикистон роҳбари намояндагии доимии БАТР дар Тоҷикистон Айтен Рустамоваро, ки нав интихоб шудааст, муаррифӣ намуд. Мавсуф изҳори боварӣ кард, ки минбаъд низ ҳамкорӣ байни Бонки миллии Тоҷикистон ва Бонки аврупоии таҷдид ва рушд дар самтҳои гуногуни иқтисодиёт, аз ҷумла низоми бонкӣ идома ва рушд хоҳанд ёфт.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
