Наврӯз дар Тоҷикобод моҳи апрел таҷлил мешавад

ТОҶИКОБОД, 28.03.2017. /АМИТ «Ховар»/. Барои дар сатҳи баланд таҷлил намудани Наврӯзи байналмилалӣ сокинони маркази ноҳияи Тоҷикобод кӯчаю хиёбонҳои ноҳияро тоза карда, дар маҳаллаҳо бахшида ба 100 рӯзи ободонӣ ҳашарҳои умумӣ ташкил менамоянд. Мақомоти иҷроияи ҳокимияти давлатии ноҳияи Тоҷикобод тибқи нақшаи муқарраргардида 2 апрели соли равон Наврӯзи хуҷастапайро бо иштироки сокинону меҳмонон ботантана таҷлил менамоянд.
Дар назар аст, ки дар ин рӯз аз ҳисоби соҳибкорону ташкилоту муассисаҳои ноҳия тӯйи хайриявии 35 кӯдак аз оилаҳои ниёзманду ятимдор ва 10 ҷуфт тӯи арӯсӣ доир гардад.