Санҷиши ҳолати риояи қонунгузорӣ дар ширкатҳои муштарак

ДУШАНБЕ, 10.03.2017 /АМИТ «Ховар»/. Гурӯҳи кории Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар як қатор ширкатҳои бо ҷалби қувваи кории хориҷӣ фаъолиятбаранда санҷиши назоратӣ гузаронид.
Чунин санҷишҳои назоратӣ, аз ҷумла, ширкатҳо ва корхонаҳои муштараки шаҳру ноҳияҳои Хуҷанд, Бӯстон, Гулистон, Бобоҷон Ғафуров ва Спитаменро дар мавриди риояи қонунгузорӣ аз ҷониби шаҳрвандони хориҷӣ мавриди санҷиш қарор доданд.
Аъзои гурӯҳи корӣ дар ҷараёни санҷиши назоратӣ ҳамчунин корҳои тарғиботию ташвиқотӣ бурда, ба шаҳрвандони хориҷӣ оид ба риояи қатъии қоидаҳои будубош ва қонунҳои амалкунанда маълумот доданд.