«Варзиш қосиди сулҳ аст»: дар минтақаи Ромити шаҳри Ваҳдат мусобиқаи футбол доир гардид

ВАХДАТ, 20.03.2017. /АМИТ «Ховар»/. Дар асоси  дастуру супоришҳои Асосгузори сулҳу Ваҳдати миллӣ, Пешвои миллат, Раиси Ҳизби Халқии Демократии Тоҷикистон муҳтарам Эмомалӣ Раҳмон вобаста Соли ҷавонон ва 20–солагии Рӯзи Ваҳдати миллӣ  ТҶҶ «Созандагони Ватан»-и  Кумитаи иҷроияи Ҳизби Халқии Демократии Тоҷикистон дар шаҳри Ваҳдат  миёни хонандагони муассисаҳои таълимии минтақаи Ромити шаҳр таҳти унвони «Варзиш қосиди сулҳ аст» мусобиқаи футбол доир намуд, ки дар он дастаҳои ҷамоатҳои деҳоти минтақа иштирок намуданд.

Мақсади мусобиқаи варзишӣ ҷалб намудани ҷавонон ба ватандӯстию ватанпарастӣ, дӯстию рафоқат миёни аҳли ҷомеа ва ҷавонон мебошад.

Дар мусобиқаи мазкур дастаи Ҷамоати деҳоти Симиганҷ сазовори ҷойи аввал гардида, аз ҷониби ТҶҶ «Созандагони Ватан»  бо ҷому  сипосномаҳо  сарфароз гардонида шуд.