Ҳафтаи аврупоии эмгузаронӣ: «Ваксинагузаронӣ натиҷаовар аст!»
ДУШАНБЕ, 25.04.2017. /АМИТ «Ховар»/. Ҳамасола аз 24 то 27 апрел бо ташаббуси Бюрои минтақавии аврупоии (БМА) Ташкилоти умумиҷаҳонии тандурустӣ (ТУТ) Ҳафтаи аврупоии эмгузаронӣ гузаронида мешавад. Ҷумҳурии Тоҷикистон ташаббуси БМА ТУТ-ро дастгирӣ намуда, ҳар сол аз 24 то 30 апрели соли 2017 дар ҷумҳурӣ Ҳафтаи аврупоии эмкунӣ мегузаронад. Ин гуна чорабиниҳо баҳри тарғибу ташвиқи иммунопрофилактика ҳамчун усули самарабахш ба пешгирии бемориҳои сироятӣ равона карда шудаанд.
Тавре ки аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, 24 апрел дар Муассисаи давлатии «Маркази ҷумҳуриявии иммунопрофилактика»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барнома оид ба «Ҳафтаи аврупоии эмгузаронӣ» дар Ҷумҳурии Тоҷикистон баргузор гардид. Саида Умарзода, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон таъкид намуд, ки ин барномаи муҳими соҳаи тандурустӣ ҳамасола бо ташаббуси БМА ТУТ гузаронида мешавад. Ҳамасола мавзӯи Ҳафтаи аврупоии иммунизатсия гуногун буда, соли ҷорӣ он ба мавзӯи «Ваксинагузаронӣ натиҷаовар аст!» бахшида шудааст.
Игор Поканевич, сардори Намояндагии ТУТ дар Ҷумҳурии Тоҷикистон иброз дошт, ки гузаронидани Ҳафтаи аврупоии эмгузаронӣ барои ҷалби диққати аҳолӣ ба эмгузаронӣ ҳамчун яке аз усулҳои асосии пешгирикунандаи инсон аз бемориҳои сироятӣ мебошад. Мақсади Ҳафтаи аврупоии иммунизатсия- ҳифзи кӯдакон аз сироятёбӣ мебошад.
Хотиррасон менамоем, ки эмгузаронӣ ҷиҳати пешгирии маризиҳои фалаҷ ва гепатити В, бемории сил, гулӯзиндонак, кабудсулфа, кузоз, гемофилии типи b, гепотити В, фалаҷ ва сирояти ротавирусӣ, сурхча, гулафшон ва дигар бемориҳои сироятӣ барои кӯдакони то синни 6-сола пешбинӣ шудааст.
Таъкид гардид, ки ҳар сол тахминан 600 000 тифл дар минтақаи аврупоии ТУТ эмгузаронии давриро намегиранд ва аз ҳамин сабаб то ҳол кўдакон аз бемориҳое мефавтанд, ки онҳоро ба воситаи эмкунӣ пешгирӣ кардан мумкин аст.
Бино ба маълумоти оморӣ, тариқи эмкунӣ ҳамасола дар ҷаҳон 6 миллион нафар аз ҳалокшавӣ ва 7,5 миллион кӯдакон аз маъюбшавӣ эмин нигоҳ дошта мешаванд.
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
