«Ҷавонони ду соҳил зидди маводи мухаддир!»- сабқати варзишӣ миёни ҷавонони тоҷику афғон

Апрель 18, 2017 11:22

ХОРУҒ, 18.04.2017 /АМИТ «Ховар»/. Дар толори варзишии маҳаллаи Теми шаҳри Хоруғ мусобиқаи дӯстона аз намуди волейбол байни дастаҳои мунтахаби вулусволии Шуғнони вилояти Бадахшони Ҷумҳурии Исломии Афғонистон ва маҳаллаи Теми шаҳри Хоруғ баргузор шуд.

Волии вулусволии Шуғнони вилояти Бадахшони Ҷумҳурии Исломии Афғонистон Мирзоқулӣ Паймон гуфт, ки  «Ҷумҳурии Тоҷикистон   аз кишвари мо чӣ дар равобити дуҷониба ва чӣ дар сатҳи ҷаҳонӣ ҳамеша пуштибонӣ мекунад. Ягона роҳи байналмилалӣ, ки шаҳрвандони Афғонистон аз он бидуни тарсу ҳарос ва бо дили пур гузар мекунанд, ин роҳ аз тариқи Ҷумҳурии Тоҷикистон аст. Ман ба сифати масъули ҳукумати Шуғнони Ҷумҳурии Исломии Афғонистон ба як гурӯҳи ҷавонони тоҷик, ки довталабона дар ҳудуди ноҳияи мо ҳашт майдончаи варзишӣ бунёд намуданд ва наврасону ҷавонони моро бо либос ва дигар асбобу анҷоми варзишӣ таъмин намуданд, изҳори сипос менамоям».

Мудири бахши варзиши Раёсати ҷавонон, варзиш ва сайёҳии Вилояти Мухтори Кӯҳистони Бадахшон Азиз Ҳайдармамадов гуфт, ки «ин толор ҳамагӣ се моҳ қабл аз ин мутобиқи қарордоди сеҷониба байни Ҳукумати Ҷумҳурии Тоҷикистон, Ҷумҳурии Исломии Афғонистон ва Бунёди Оғохон дар канори бозори муштарак бунёд шуд. Бори аввал аст, ки варзишгарони ду кишвар бо ҳам аз намуди волейбол рақобат мекунанд. Ҳадаф аз бунёди толор роҳандозии тарзи ҳаёти солим, тиҷорати солим ва аз байн бурдани хариду фурӯши маводи мухаддир мебошад. Кӯшиш мекунем, ки минбаъд  ҷавонони ҳарду соҳил танҳо бо нияти нек, бо мақсади анҷом додани корҳои хайру созанда, такмили истеъдоду маҳорати варзишию фарҳангии худ дарёи Панҷро убур намоянд».

Ба иттилои мудири бахши варзиши Раёсати ҷавонон, варзиш ва сайёҳии вилоят Азиз Ҳайдармамадов, онҳо  тасмим гирифтаанд, ки  моҳи май байни кӯдакону наврасони ҳарду соҳил аз намуди футболи хурд мусобиқа баргузор намоянд.

Мусобиқа бо пирӯзии дастаи мунтахаби вулусволии Шуғнони вилояти Бадахшони Афғонистон  ба поён расид.

Ба меҳмонон Ҷоми сабқат ва туҳфаҳои хотиравӣ тақдим карда шуд.

Апрель 18, 2017 11:22

Хабарҳои дигари ин бахш

Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини башхи молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд
Имрӯз дар Тоҷикистон ҳаво то 32 дараҷа гарм мешавад
ТАҚВИМИ АМИТ «ХОВАР»: имрӯз 2 июн, душанбе, 153-юмин рӯзи соли 2025 аст
Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд