Чорабиниҳои даъвати шаҳрвандон ба хизмати ҳарбӣ бомаром идома доранд

ДУШАНБЕ, 12.04.2017 /АМИТ «Ховар»/. Шурӯъ аз 1 апрели соли равон дар тамоми шаҳру навоҳии мамлакат даъвати баҳории шаҳрвандон ба хизмати ҳатмии ҳарбӣ ҷараён дорад.
Тавре аз Маркази матбуоти Вазорати мудофиаи Ҷумҳурии Тоҷикистон хабар доданд, дар давоми беш аз 10 рӯзи ин маъракаи муҳими сиёсӣ иҷрои нақшаи даъват дар қаламрави ҷумҳурӣ 40%-ро ташкил дод.
Ин нишондод дар вилояти Хатлон ба 37% баробар буда, аллакай ноҳияи Н. Хусрави ин минтақа аз иҷрои пурраи нақшаи ба онҳо пешбинишуда гузориш доданд.
Дар давоми беш аз 10 рӯзи чорабиниҳои даъватии шаҳрвандон ба хизмати ҳарбӣ дар байни вилоятҳо иҷрои нақша дар гарнизони Хоруғ ба 44% баробар мебошад. Дар шаҳру навоҳии вилояти Суғд бошад, иҷрои нақша 47%-ро ташкил медиҳад.
Ҳамин тариқ дар комиссариатҳои ҳарбии ноҳияҳои тобеи ҷумҳурӣ иҷрои нақша 35% ва дар чор навоҳии пойтахт он ба 27%-ро баробар аст.