Дар масҷидҳои ҷомеи шаҳри Душанбе оид ба авфи муҳоҷирони меҳнатӣ вохӯриҳо баргузор гардиданд
ДУШАНБЕ, 10.04.2017 /АМИТ «Ховар»/. Кормандони Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар шаҳри Душанбе дар масҷидҳои ҷомеаи Душанбе бо иштироки 22 ҳазору 500 нафар имомхатибони масҷидҳо ва сокинони пойтахт суҳбату вохӯриҳо баргузор намуданд. Дар ин бора аз Хадамоти муҳоҷират хабар доданд.
Кормандони масъули Раёсат бо шаҳрвандон оид ба тақвияти маърифати муҳоҷирони меҳнатӣ, навигариҳо дар соҳаи қонунгузории Федератсияи Россия, муҳоҷирати меҳнатӣ ва авфи муҳоҷирони меҳнатӣ суҳбат карданд. Зикр гардид, ки дар ҳолати аз ҷониби шаҳрвандон вайрон кардани қоидаҳои будубош ва фаъолияти меҳнатии қаблӣ онҳо ба ҷавобгарии маъмурӣ кашида намешаванд.
Зимни вохӯриҳо ба шаҳрвандон — муҳоҷирони меҳнатӣ фаҳмонида шуд, ки барои фаҳмидани нуктаҳои муҳими ин масъала онҳо метавонанд ба зерсохтоҳои Хадамоти муҳоҷират дар шаҳри Душанбе ва шаҳру ноҳияҳо муроҷиат намоянд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
