«Духтарони сарвар» дар Хатлон: машғулиятҳо оғоз шуданд
ҚӮРҒОНТЕППА, 10.04.2017 /АМИТ «Ховар»/. Дар вилояти Хатлон курсҳои омӯзишии «Духтарони сарвар» ба кори худ оғоз намуданд. Тавре аз шуъбаи иттилоотӣ- таҳлилии Мақомоти иҷроияи ҳокимияти давлатии вилояти Халон иттилоъ доданд, курсҳои мазкур аз ҳисоби 51 нафар донишҷӯдухтарони донишгоҳу коллеҷҳои донишкадаҳои вилоят дар асоси озмун таъсис дода шудаанд.
Машғулияти аввалини курсҳои омӯзишӣ дар шаҳри Қӯрғонтеппа дар мавзӯи «Хусусиятҳои сарварии занон дар замони муосир» барои 25 нафар шунаванда доир гардид. Онро муовини раиси вилояти Хатлон Махфират Хидирзода гузаронида, дар бораи хусусиятҳои хоси занони сарвар ва саҳми занон дар пешрафти ҷомеа суҳбат намуд.
Тавре аз Раёсати кор бо занон ва оилаи Мақомоти иҷроияи ҳокимияти давлатии вилояти Хатлон иттилоъ доданд, машғулиятҳо барои шунавандагон ҳар ҳафта як маротиба баргузор гардида, то охири моҳи июн идома меёбанд. Ба шунавандагон сертификат оид ба хатми курсҳо дода мешавад.
Чунин курсҳои омӯзишӣ дар шаҳри Кӯлоб низ оғоз шуданд.
Имрӯз дар шаҳри Душанбе ҳаво то 34 дараҷа гарм мешавад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
