Консерти устодони санъати Театри давлатии академии опера ва балет бахшида ба Соли ҷавонон

ДУШАНБЕ, 08.04.2017. /АМИТ «Ховар»/. Дирӯз, 7 апрел дар Донишгоҳи славянии Россияву Тоҷикистон бахшида ба Соли ҷавонон консерти устодони санъати Театри давлатии академии опера ва балети ба номи С. Айнӣ бо иштироки оркестри симфонӣ доир карда шуд.
Дар консерт Нуралӣ Солеҳов, ректори Донишгоҳи славянии Россияву Тоҷикистон, Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Игор Лякин-Фролов, Сафири Фавқулода ва Мухтори Федератсияи Россия дар Ҷумҳурии Тоҷикистон, устодону донишҷӯёни донишгоҳ ва волонтёрон иштирок намуданд.
Ба иштирокчиён аз ҷониби ҳунармандон пораҳо аз операи «Кармен», «Иоланта», инчунин сурудҳои «Тоҷикистон», «Муҳаббат», «Республикаи ман», «Ман бо духтаре вохӯрдам» пешниҳод гардид.