Корманди тиб барои иҷро накардани вазифаи касбӣ аз тарафи кормандони ҳифзи ҳуқуқ дастгир гардид
ДУШАНБЕ, 08.04.2017 /АМИТ «Ховар»/. Духтур-навбатдори шуъбаи қабули яке аз беморхонаҳои кӯдаконаи вилояти Суғд зимни гузаронидани чорабиниҳои фаврию ҷустуҷӯӣ аз ҷониби кормандони милитсия бо гумони иҷро накардани вазифаи касбӣ дастгир карда шуд.
Тавре сомонаи расмии Вазорати корҳои дохилии Ҷумҳурии Тоҷикистон хабар медиҳад, гумонбаршуда, 12 марти соли 2017 ҳангоми навбатдорӣ духтарчаи 2-солаи сокини ноҳияи Б.Ғафуровро қабул намуда, ҳангоми муоинаи тиббии ӯ бемории илтиҳоби шадиди шушҳо бо варами майнаи сарро муайян кард. Духтур воқеан муҳтоҷи табобат будани духтарчаро фаҳмида, нисбат ба иҷрои вазифаи худ бепарвоёна ва беинсофона рафтор намудааст. Бар хилофи тартиби муайянгардидаи соҳавӣ, барои бистарӣ намудани хурдсол тадбир наандешидааст.
Дар натиҷа духтарчаи хурдсол, бинобар сари вақт табобати зарурӣ нагирифтан 14 март вафот кардааст.
Аз рӯи далели мазкур парвандаи ҷиноятӣ оғоз гардида, тафтишоти ҳодиса идома дорад.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
