Мулоқот бо коргарони НБО-и Роғун: иншооти мазкур ифтихори миллати тоҷик аст
ДУШАНБЕ, 17.04.2017 /АМИТ «Ховар»/. 15 апрел гурӯҳи таблиғотиву ташвиқотӣ ҷиҳати суҳбату мулоқот бо ҳайати кормандони НБО-и Роғун аз шаҳри Роғун боздид ба амал овард.
Тавре мухбири АМИТ «Ховар» хабар медиҳад, ин навбат гурӯҳи таблиғотиву ташвиқотиро барои суҳбату мулоқот бо кормандону муҳандисони НБО-и Роғун Алиҷон Шоҳназаров, сармутахассиси Раёсати илму маърифати Дастгоҳи иҷроияи Президенти Ҷумҳурии Тоҷикистон роҳбарӣ намуда, ба ҳайати он Зулфия Давлатзода, муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон, Самариддин Асоев, сармуҳаррири рӯзномаи «Садои мардум», адибон Абдулҳамид Самад ва Давлат Сафар шомил буданд.
Инчунин барои хотирмон гузаштани мулоқоти мазкур дастаи рақсии «Лола»-и Вазорати фарҳанги Ҷумҳурии Тоҷикистон ва гурӯҳи ҳаҷвнигорони «Шакарханд» гурӯҳи кориро ҳамроҳӣ намуда, табъи кормандон ва иштирокдоронро болида намуданд.
Алиҷон Шоҳназаров аз ифтихори миллати тоҷик будани НБО Роғун ёдовар шуда, гуфт: «Бо мавриди истифода қарор гирифтани Неругоҳи барқӣ-обии Роғун ормонҳои миллати тоҷик амалӣ гардида, халқи тоҷик ба яке аз ҳадафҳои стратегии давлат ва Ҳукумати Ҷумҳурии Тоҷикистон- расидан ба истиқлолияти энергетикӣ ноил хоҳад гардид. Давлат ва Ҳукумати Тоҷикистон боварии комил намуда, сотмони ин иншооти бузурги асрро ба шумо, бинокорон вогузор намуда, ҷиҳати сохтмони он шароити зарурӣ фароҳам овардааст. Аз ин хотир бовар дорем, ки шумо барои дар сатҳи баланд ва зарурӣ бунёд кардани ин иншоот талош варзида, софдилона хизмат менамоед».
Дар мулоқот адибон дар назди кормандони НБО Роғун дар васфи ин иншооти азими аср шеърҳо хонда, онҳоро барои тезонидан ва бо сифати баланд ба итмом расонидани корҳои сохтмонии неругоҳ рӯҳбаланд намуданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
