Ҷозеф Л. Вотел: «Кӯшишҳои Тоҷикистон дар мубориза бо гардиши ғайриқонунии маводи мухаддир назаррас мебошанд»
ДУШАНБЕ, 25.04.2017 /АМИТ «Ховар»/. Кӯшишҳои Ҷумҳурии Тоҷикистон дар таъмини амният дар сарҳадот ва мубориза бо гардиши ғайриқонунии маводи мухаддир баланд арзёбӣ мегарданд. Ин нуктаро имрӯз пас аз мулоқот бо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Фармондеҳи Фармондеҳии марказии Штатҳои Муттаҳидаи Америка генерал Ҷозеф Л. Вотел иброз дошт.
Ба гуфти Ҷозеф Л. Вотел, зимни мулоқот бо Президенти Тоҷикистон Эмомалӣ Раҳмон масоили вобаста ба таъмини амният ва субот дар кишварҳои Осиёи Марказӣ, мубориза бо экстремизм ва терроризм мавриди баррасӣ қарор гирифтанд.
«Мушкилоти дар замони имрӯза пешомадаро танҳо дар якҷоягӣ метавон рафъ намуд. Дар ин росто мо мақсадҳои ягона дорем ва бар зидди ин таҳдидҳо мубориза мебарем»,- таъкид намуд Ҷозеф Л. Вотел.
Дар доираи ин сафар Фармондеҳи Фармондеҳии марказии Штатҳои Муттаҳидаи Америка генерал Ҷозеф Л. Вотел инчунин бо як зумра роҳбарони вазорату идораҳои Тоҷикистон мулоқоту вохӯриҳо анҷом медиҳад.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
