Селфуроӣ роҳи мошингарди Хоруғ -Душанберо баст, боришоти барф боиси муваққатан қатъ гардидани ҳаракати нақлиёт дар роҳи Хоруғ- Кулма гардид

Апрель 14, 2017 16:29

ХОРУҒ, 14.04.2017. /АМИТ«Ховар»/. Боришоти шадиди барфу борон дар як шабонарӯзи охир маркази Вилояти Мухтори Кӯҳистон Бадахшон- шаҳри Хоруғро боз дар муҳосира қарор дод. Ба гуфтаи навбатдори ситоди ҳолатҳои фавқулодаи вилоят Гулмаст Некқадамов, ба сабаби ҷорӣ шудани сел дар деҳаи Хехики ноҳияи Ванҷ, деҳаи Деҳи ноҳияи Рӯшон ва деҳаи Кеврони ноҳияи Дарвоз  ҳаракати нақлиёт дар роҳи мошингарди Хоруғ-Душанбе аз субҳи рӯзи панҷшанбе, 13 апрел қатъ гардид. Ҳоло як гурӯҳи корӣ таҳти раҳбарии раиси вилоят Шодихон Ҷамшед дар маҳали ҳодиса мебошанд ва бо мақсади  ҳарчӣ зудтар боз кардани роҳ барои роҳсозон шароити мусоид фароҳам меоранд.

Ба гуфтаи навбатдори ситоди ҳолатҳои фавқулодаи вилоят, шоми дирӯз дар ағбаи Кӯҳтезак тундбоди шадид вазида, барфи зиёдро дар  сари роҳ ҷамъ карда, ҳаракати нақлиётро ба самти ноҳияи Мурғоб қатъ намудааст. Ҳамчунин як мошини боркаши КАМАЗ низ ба иллати тундбод дар ин ағба чаппа шудааст.

Ҳанӯз  ҳам дар ҳамвориҳо борон ва дар кӯҳдоманҳо барф меборад. Оилаҳое, ки дар кӯҳдоманҳо зиндагӣ мекунанд, боз маҷбур шуданд хонаҳояшонро тарк кунанд. Барои ин оилаҳо дар толорҳои  варзишии муассисаҳои таълимӣ шароити мусоид фароҳам овардаанд, аммо аксарияти ин хонаводаҳо ба хонаи хешу табор кӯч бастанд.

Ситоди ҳолатҳои фавқулода аз ронандагони мошинҳои мусофирбар, ки ба самти  Хоруғ-Душанбе ва бараъкс ҳаракат мекунанд, хоҳиш намудааст, ки то муътадил шудани ҳаво дар ягон мавзеи бехавф таваққуф намоянд.

Апрель 14, 2017 16:29

Хабарҳои дигари ин бахш

Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад
Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
Иштирокчиёни экспедитсияи «Саёҳат ба қалби Авруосиё-2025» пойгоҳи кайҳонавардии Байконурро тамошо карданд
Ба ифтихори Рӯзи Ваҳдати миллӣ дар Кумитаи ҳифзи муҳити зист ҷамъомади тантанавӣ баргузор гардид
Имрӯз дар водиҳои Тоҷикистон ҳаво то 41 дараҷа гарм мешавад
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад