Ҳафтаи технология, инноватсия ва ихтироъкории наврасону ҷавонони шаҳри Душанбе оғоз гардид
ДУШАНБЕ, 16.05.2017 /АМИТ «Ховар»/. 15 май дар Муассисаи давлатии «Душанбе-Плаза» «Ҳафтаи технология, инноватсия ва ихтироъкории наврасону ҷавонони шаҳри Душанбе» оғоз гардид.
Барномаи мазкур тибқи қарори Раиси шаҳри Душанбе Рустами Эмомалӣ то 22 май идома меёбад. Дар кори он олимони ҷавон аз вилоятҳои Хатлон, Суғд ва ноҳияҳои тобеи ҷумҳурӣ бо лоиҳаҳои илмии худ иштирок менамоянд. Дар давоми ҳафта ҷавонон барномаву ихтирооти худро дар мактабу коллеҷҳои техникии шаҳри Душанбе ба намоиш мегузоранд.
Ин форум соли шашум аст, ки гузаронда мешавад ва дар ин муддат ҷавонони тамоми ҷумҳуриро фаро гирифт. Мақсади озмун пайдо намудани истеъдодҳои ҷавон ва наврасони болаёқати ҷумҳурӣ мебошад. Зиёд шудани лоиҳаҳои илмӣ ва шумораи ширкаткунандагон шаҳодат аз он медиҳад, ки сол ба сол шавқу рағбати ҷавонону наврасони мо нисбат ба фанҳои дақиқ бештар мегардад.
Тавре ба АМИТ «Ховар» аз Сарраёсати маорифи шаҳри Душанбе хабар доданд, баргузории чунин чорабиниҳо барои ҳавасманд гардидани ихтироъкорони ҷавон ва дар ҷумҳурӣ муаррифӣ гаштани маҳсули кори онҳо мусоидат менамояд. Дар назар аст, ки лоиҳаҳои беҳтарин соли оянда ба озмунҳои байналмилалӣ пешбарӣ шаванд.
Ғолибони озмун бо диплом ва туҳфаҳои хотиравии мақомоти иҷроияи ҳокимияти давлатии шаҳри Душанбе, раёсати маориф ва Мактаби рушди истеъдодҳои шаҳр қадрдонӣ мегарданд.
Маросими пӯшидашавии «Ҳафтаи технология, инноватсия ва ихтироъкории наврасону ҷавонони шаҳри Душанбе» 20 май дар Корхонаи воҳиди давлатии «Маркази ҷавонон» -и шаҳри Душанбе доир мегардад.
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
