Ҳайати Тоҷикистон дар Форуми иқтисодии ҷаҳонӣ дар Шоҳигарии Ҳошимии Урдун иштирок намуд
ДУШАНБЕ, 25.05.2017 /АМИТ «Ховар»/. Дар Шоҳигарии Ҳошимии Урдун Форуми иқтисодии ҷаҳонӣ (Давос- 2017) дар робита ба Ховари Миёна ва Африкаи Шимолӣ таҳти унвони «Устуворгардонии наслҳо баҳри оянда» баргузор гардид, ки дар он ҳайати Тоҷикистонро Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода роҳбарӣ намуд. Дар ин бора аз Вазорати мазкур хабар доданд.
Тавре манбаъ иттилоъ дод, Вазири рушди иқтисод ва савдо зимни суханронӣ дар Форум таваҷҷуҳи ҳозиринро ба ҳадафҳои сиёсати хориҷии кишвар дар масъалаҳои рушди ҳамкории иқтисодӣ, тиҷоратӣ, сайёҳӣ, ҳамчунин оид ба эълон гардидани сиёсати хориҷии Тоҷикистон чун сиёсати «дарҳои боз» ҷалб намуд.
Бояд зикр намуд, ки дар ин форуми байналмилалии сатҳи баланд роҳбарони як зумра давлатҳову ҳукуматҳо, аз ҷумла Ироқ, Фаластин, Косово, Нигерия, Испания, ҳамчунин намояндагони 56 кишвар ва коршиносони аршади созмонҳои байналмилаливу минтақавӣ ва муассисаҳои молиявии ҷаҳонӣ иштирок намуданд.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
