Ҷалби ҷавонон ба илмҳои дақиқ: омилҳо ва натиҷаҳо
ДУШАНБЕ, 31.05.2017. /АМИТ «Ховар»/. 30 май дар Академияи илмҳои Ҷумҳурии Тоҷикистон бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Шӯрои олимони ҷавони Академияи илмҳо бахшида ба Соли ҷавонон суҳбати телевизионӣ дар мавзӯи «Ҷалби ҷавонон ба илмҳои дақиқ: омилҳо ва натиҷаҳо» баргузор шуд.
Тавре аз Кумитаи ҷавонон, варзиш ва сайёҳии
назди Ҳукумати Ҷумҳурии Тоҷикистон хабар доданд, дар ҷамъомад раиси Кумитаи ҷавонон, варзиш ва сайёҳӣ Аҳтам Абдуллозода иброз дошт, ки «айёми ҷавонӣ давраест, ки инсон қобилияти баланди амалӣ гардондани имкониятҳои зеҳнии худро дорад. Маҳз ҳамин давра ба мо имкон медиҳад, то он ҷавҳарро, ки дар замирамон нуҳуфтааст, бо кӯшишу заҳмат ва омӯзиши пайваста кашф, татбиқ ва амалӣ созем. Дар баробари дигар чеҳраҳо, имрӯз олимони ҷавон низ аз муаррифгарони асосии давлату миллат дар дохил ва хориҷи кишвар мебошанд. Инсон метавонад, ки бо як ихтирои худ миллатро сарфароз гардонда, давлатро дар ҷомеаи ҷаҳон шиносонад. Аз ҳамин хотир, мо бояд омилҳои ҷалби ҷавононро ба илмҳои дақиқ пайваста таҳти назорат гирем ва ҷиҳати рушди онҳо шароит фароҳам оварем».
Дар ҳамоиш масъулини вазорату идораҳои марбута ва олимону мутахассисони ҷавони мамлакат доир ба мавзӯи ҳамоиш андешаронӣ намуданд. Таъкид шуд, ки илм дар замони муосир ҳамчун омили бисёр муҳими пешбарандаи самтҳои асосии давлатдории навини тоҷикон ба ҳисоб меравад. Пешвои миллат дар Паёми худ бевосита ба пешрафти илмҳои дақиқ таваҷҷуҳи хосса зоҳир намуда, дар ин замина баҳри фароҳам овардани шароити мусоид ҷиҳати рушди илм дар миёни ҷавонон дастуру супоришҳои мушаххас дода буданд. Чунки имрӯз иқтисодиёти мамлакат ва ҷомеа беш аз пеш ба рушди илмҳои дақиқ эҳтиёҷ дорад.
Дар ҳамоиши илмӣ олимону магистрони ҷавон дастовардҳои илмиашонро муаррифӣ намуда, зарурати рушди илмҳои дақиқро дар кишвар баррасӣ намуданд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
