«Ҷавонони солимфикр-кафили амнияти давлат»-конфронс дар ноҳияи Шоҳмансур
ДУШАНБЕ, 12.05.2017/АМИТ «Ховар»/. Дар доираи тадбирҳо бахшида ба Соли ҷавонон ва ба муносибати Рӯзи ҷавонони Тоҷикистон имрӯз дар шаҳри Душанбе Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур Конференсияи илмӣ-амалиро таҳти унвони «Ҷавонони солимфикр-кафили амнияти давлат» доир намуд
Раиси Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур Зулфиқор Гулаҳмадзода зикр намуд, ки амнияту суботи кишвар аз ҷавонон вобастагии калон дорад. КИ ҲХДТ дар ноҳияи Шоҳмансур кӯшиш ба харҷ медиҳад, ки тафакури насли наврас, ҳисси баланди ватандӯстӣ, ифтихори миллӣ, арҷ гузоштан ба муқаддасоти миллӣ ва инчунин соҳибкасбиро ташаккул диҳад. Ҳамзамон бар зидди нашъамандӣ ва нашъаҷаллобӣ, пешгирии ҷавонон аз гаравиш ба ҳар гуна ҳизбу ҳаракатҳои иртиҷоӣ ва дигар амалҳои номатлуб мубориза мебарад
Сипас намояндагони Маркази тадқиқоти стратегии назди Президенти Ҷумҳурии Тоҷикистон, Ваколатдор оид ба ҳуқуқи инсон дар Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон дар мавзӯъҳои «Хатари гурӯҳҳои ифротӣ: тарзи дуруст фаҳмонидани масъала дар байни ҷавонон», «Амнияти иттилоотӣ ва ҷавонон», «Нақши ҷавонон дар таҳкими ҷомеаи шаҳрвандӣ ва масъулияти онҳо дар устувор гардонидани мавқеъ ва нуфузи Ҳизби Халқии Демократии Тоҷикистон» ва «Саҳми ҷавондухтарон дар рушду нумӯи кишвар» маърӯза намуданд.
Дар ҳамоиш зикр гардид, ки имрӯз ҷомеаи ҷаҳониро ифротгароӣ, экстремизм ва терроризм ба ташвиш овардаанд. Ифротгароӣ ва терроризм аз ҷумлаи ҳодисаҳоеанд, ки барои амнияти миллӣ ва давлатдории ҳар як мамлакат ва тамоми ҷомеаи ҷаҳонӣ хатар эҷод мекунанд. Агар гурӯҳҳои фаъол, хусусан ҷавонон ба суханони Пешвои миллат муҳтарам Эмомалӣ Раҳмон пайравӣ намуда, терроризм ва экстремизмро шадидан маҳкум намоянд, барои ҳифзи якпорчагии Ватан омода бошанд, сиёсати хирадмандонаю бунёдкоронаи Пешвои миллатро дастгирӣ намуда, ҳамеша зираку ҳушёр бошанд, ягон гурӯҳи экстремистӣ наметавонад дар сарзамини мо мақсадҳои нопоки худро амалӣ созад.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
