Бахшида ба Рӯзи байналмилалии осорхонаҳо: дар Осорхонаи вилояти Суғд намоишгоҳи «Дасхатҳо ва китобҳои нодир аз фонди осорхона» ифтитоҳ гардид
ХУҶАНД, 17.05.2017 /АМИТ «Ховар»/. Дар шаҳри Хуҷанд дар доираи таҷлили Рӯзи байналмилалии осорхонаҳо, ки ҳамасола 18 май доир мегардад, баргузории чанд барнома дар назар аст. Тавре директори Осорхонаи таърихии вилояти Суғд Мансур Бойматов ба хабарнигори АМИТ «Ховар» иттилоъ дод, соли равон дар доираи Рӯзи байналмилалии осорхонаҳо бо иқдоми роҳбарияти Муассисаи давлатии «Маҷмааи фарҳангиву таърихии «Қалъаи Хуҷанд» дар осорхона ифтитоҳи намоишгоҳ таҳти унвони «Дасхатҳо ва китобҳои нодир аз фонди осорхона» дар назар гирифта шуда, тамошобинон дар ин рӯз имкон доранд бо махзани китобҳои нодири осорҳона аз наздик шинос шаванд.
Ҳамзамон дар саҳни боғи «Қалъаи Хуҷанд» намоиш-коллексияи ашёву олоти гуногуни асрҳои ХIХ ва ХХ аз ҷониби чор нафар коллексионерон ба намоиш гузошта мешаванд.
Соли панҷум аст, ки дар ин рӯз дар осорхона барномаи «Шомгоҳ дар Осорхона» гузаронида мешавад, ки ҳадафи асосии он ҷалби тамошобинон, хосатан ҷавонон ба тамошои осорхона мебошад.
Инчунин бори чорум аст, ки дар назди бинои осорхона бо иштироки васеи аъзои клуби ҳаводорони мошинҳои коллексионӣ бо мақсади шинос намудани шаҳрвандон ва меҳмонон бо таърихи пайдоиши техника ва мошинҳои барориши солҳои 40-80-уми қарни ХХ ва нақлиёт-аробаҳои қарни ХIХ намоишгоҳ таҳти унвони «Хуҷанд-Ретро-Авто-2017» гузаронида мешавад.
Ҳамзамон дар ин рӯз ташрифи гурӯҳии мактаббачагону донишҷӯёни мактабҳои миёнаву олии маркази вилоят ва сокинону меҳмонони шаҳри Хуҷанд дар назар аст.
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
