Бахшида ба Рӯзи осорхонаҳо: боз як бозёфти бостоншиносон дар ноҳияи Фархор
ДУШАНБЕ, 16.05.2017. /АМИТ Ховар/. Бостоншиносони Академияи илмҳои Тоҷикистон бо гурӯҳе аз антропологҳои Россия зимни ковишҳои бостоншиносӣ дар ҷамоати шаҳраки Фархор аз болои мазори «Чилтанбобо» ду ҷасадеро пайдо намуданд, ки рӯ ба рӯ гӯронида шуда, тахмин меравад, ки онҳо ба қарнҳои 11 -12- и пеш аз мелод тааллуқ доранд.
Дар ин бора директори Осорхонаи ноҳияи Фархор Азизулло Муродов хабар дода, зикр кард, ки дар миёни ду ҷасади ёфтшуда як кӯза, оинаи нуқрагин, сарсӯзании занона ва якчанд муҳраҳои қиматбаҳои бо санъати баланд наққошишуда пайдо гардидаанд.
Хотиррасон менамоем, ки ковишҳои бостоншиносӣ тобистони соли 2013 дар ҷамоати шаҳраки Фархор, болои мазори «Чилтанбобо» оғоз шуда, то ин муддат аз ин мавзеъ даҳҳо мавод ва ашёи нодири таърихӣ пайдо гардидаанд.
Маврид ба зикр аст, ки тайи чанд соли охир аз тарафи олимони ҷумҳурӣ дар якҷоягӣ бо коршиносони Федератсияи Россия ва Италия дар ноҳияи Фархор ковишҳои археологӣ идома доранд. Зимни ин тадқиқот дар ноҳия 41 мавзеъи таърихӣ пайдо гардиданд.
Як қисми нигораҳои пайдошуда дар Осорхонаи ноҳияи Фархор нигоҳдорӣ шуда, қисмати дигари онҳо барои таҳлилу ташхис ба Академияи илмҳои Ҷумҳурии Тоҷикистон интиқол дода шуданд.
Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
