Баррасии масоили гурезаҳо ва шахсони паноҳҷӯянда дар мулоқоти Вазири корҳои дохилии Тоҷикистон бо роҳбари намояндагии Раёсати олии Комиссариати СММ
ДУШАНБЕ, 30.05.2017./АМИТ «Ховар»/. Имрӯз дар Душанбе Вазири корҳои дохилии Ҷумҳурии Точикистон генерал-лейтенанти милитсия Рамазон Раҳимзода бо роҳбари намояндагии Раёсати Олии Комисариати СММ оид ба гурезаҳо дар Ҷумҳурии Тоҷикистон Вито Трани мулоқот намуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар ҷараёни мулоқот Рамазон Раҳимзода ҷиҳати ҳамкориҳои муфид дар соҳаи кор бо гурезаҳо ба Раёсати Олии Комисариати СММ оид ба гурезаҳо миннатдорӣ изҳор намуд ва иброз дошт, ки саҳми ин созмони бонуфуз дар таъмини ҳифзи ҳуқуқи ин гурӯҳи осебпазир назаррас мебошад.
Зикр гардид, ки Вазорати корҳои дохилии Ҷумҳурии Тоҷикистон масъалаҳои ба танзим даровардани кор бо гурезаҳо ва шахсони паноҳҷӯяндаро мутобиқи меъёрҳои байналмилалӣ роҳандозӣ менамояд. Дар ин раванд як қатор санадҳои меъёрии ҳуқуқӣ, аз он ҷумла Қонунҳои Ҷумҳурии Тоҷикистон «Дар бораи гурезаҳо» ва «Дар бораи шаҳрвандии Ҷумҳурии Тоҷикистон» таҳия ва тасвиб гардида, мавриди амал қарор дода шуданд.
Дар навбати худ роҳбари намояндагии Раёсати Олии Комисари СММ оид ба гурезаҳо дар Ҷумҳурии Тоҷикистон Вито Трани изҳор дошт, ки мушкилоти гурезаҳо ва шахсони паноҳҷӯянда хусусияти глобалӣ касб карда, яке аз масъалаҳои душвор дар назди ҷомеаи ҷаҳонӣ мебошад. Муҳокимаи ин масъалаҳо дар Созмони Милали Муттаҳид фаъолона амалӣ гардида, роҳҳои муфиди ҳифзи ин гурӯҳи осебпазири аҳолӣ ва расонидани кӯмак ба онҳо ҷустуҷӯ карда мешавад.
Таъкид гардид, ки дар ин замина Раёсати Олии Комисари СММ оид ба гурезаҳо бо Вазорати корҳои дохилии Ҷумҳурии Тоҷикистон ҳамкориҳои зич ба роҳ монда, дар самти мукаммал намудани қонунгузорӣ ба натиҷаҳои назаррас ноил гардиданд.
Ҷонибҳо зимни баррасии масоили ҳифзи ҳуқуқи гурезаҳо ва шахсони паноҳҷӯянда ва бешаҳрвандӣ як қатор таклифу пешниҳодҳои судманд ироа намуда, изҳори умедворӣ карданд, ки бо кӯшишҳои якҷоя мушкилоту проблемаҳои мавҷударо бартараф хоҳанд кард.
Имсол дар Тоҷикистон чӣ қадар боғҳои нав бунёд гардиданд?
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
