Боздиди Рамазон Абдулатипов аз Маҷмааи таърихию фарҳангии «Қалъаи Хуҷанд» ва муҷассамаи Хоҷа Камоли Хуҷандӣ
ДУШАНБЕ, 13.05.2017 /АМИТ «Ховар»/. Дирӯз Раиси вилояти Суғд Абдураҳмон Қодирӣ Роҳбари Ҷумҳурии Доғистони Федератсияи Россия Рамазон Абдулатиповро, ки бо сафари корӣ ба вилоят ташриф овард, ба ҳузур пазируфт.
Тавре аз Хадамоти матбуоти Раиси вилояти Суғд хабар доданд, ҷонибҳо масоили гуногун, аз ҷумла рушди ҳамкорӣ миёни вилояти Суғди Ҷумҳурии Тоҷикистон ва Ҷумҳурии Доғистони Федератсияи Россияро мавриди баррасӣ қарор доданд.
Абдураҳмон Қодирӣ аз рушди ҳамкории мутақобилаи ҳарду кишвар изҳори қаноатмандӣ намуд ва оид ба вазъи имрӯзаи иқтисодии минтақа маълумот дод. Аз ҷумла, гуфта шуд, ки дар натиҷаи андешидани тадбирҳои муҳим дар хоҷагии халқи вилоят пешравиҳои назаррас ба амал омадаанд.
Рамазон Абдулатипов зимни суҳбат таъкид намуд, ки вилояти Суғдро ҳамчун минтақаи рушдкунанда ва дорои табиати зебою фарҳангу маданияти бой мешиносад ва аз ташриф ба ин вилоят эҳсоси хушҳолӣ дорад.
Пас аз анҷоми мулоқот миёни вилояти Суғди Ҷумҳурии Тоҷикистон ва Ҷумҳурии Доғистони Федератсияи Россия Созишнома оид ба ҳамкории тиҷоратӣ-иқтисодӣ, илмӣ-техникӣ ва гуманитарӣ баста шуд. Созишномаро аз ҷониби вилояти Суғд Раиси вилоят Абдураҳмон Қодирӣ ва аз ҷониби Доғистон Рамазон Абдулатипов имзо карданд.
Дар доираи сафар Рамазон Абдулатипов ва ҳайати ҳамроҳонаш аз Маҷмааи таърихию фарҳангии «Қалъаи Хуҷанд» дидан карданд. Меҳмонон дар пояи муҷассамаи Хоҷа Камоли Хуҷандӣ гул гузошта, қабри рамзии ӯро зиёрат ва аз хона-музеи ин шоири шаҳир боздид намуданд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
