Бузургдошти Мирзо Турсунзода дар Эрон
ДУШАНБЕ, 23.05.2017/АМИТ «Ховар»/. Дар Теҳрон бо ибтикори Сафорати Ҷумҳурии Тоҷикистон ва Муассисаи фарҳангии Созмони ҳамкории иқтисодӣ (СҲИ- ЭКО) ба ифтихори бузургдошти маъруфтарин шоири сулҳпарвар, Қаҳрамони Тоҷикистон Мирзо Турсунзода ҳамоиш доир гардид.
Дар ҳамоиш нависандагон, олимон, сафирон ва намояндагони ҳайати дипломатии муқими Теҳрон ва шаҳрвандони Тоҷикистон иштирок ва маърӯза намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода доир ба ҷойгоҳи устод Мирзо Турсунзода дар таърихи миллату кишвар ва паҳлӯҳои мухталифи ҳаёт ва эҷодиёти шоир таъкид кард, ки ӯ ҳамчун фарди фарҳангии фаъол ва муборизи матини роҳи озодӣ, тараннумгари ғояҳои сулҳу дӯстӣ ва шоири тавоно дар ташаккули ғояи миллӣ, ҳисси баланди ватандӯстӣ ва рушди фарҳанги тоҷикон нақши муаассир дорад.
Дар ҳамоиш порае аз филми мустанади «Фарзанди азизи Тоҷикистон» бахшида ба зиндагӣ ва фаъолияти Мирзо Турсунзода намоиш дода шуд. Инчунин барои шиносии бештар бо ҳаёт ва фаъолияти шоири номдори тоҷик Мирзо Турсунзода китобҳо бо забонҳои форсӣ ва англисӣ ба иштирокдорони ҳамоиш тақдим гаридиданд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
