Дар Душанбе ҷаласаи Ситоди ҷумҳуриявии амалиёти «Кӯкнор-2017» баргузор шуд
ДУШАНБЕ, 16.05.2017 /АМИТ «Ховар»/. Бо мақсади ошкор ва нобуд кардани растаниҳои нашъадори худрӯй ва ғайриқонунӣ киштшуда, бастани роҳҳои интиқоли ғайриқонунии маводи нашъаовар дар ҳудуди Ҷумҳурии Тоҷикистон, инчунин гузаронидани чорабиниҳои маҷмӯии таблиғотӣ-пешгирикунанда дар байни табақаҳои мухталиф дар қаламрави ҷумҳурӣ ҳамасола амалиёти «Кӯкнор» гузаронида мешавад.
Тавре ба АМИТ Ховар аз маркази матбуоти Агентии назорати маовди нашъаовари назли Президенти Ҷумҳурии Тоҷикистон хабар доданд, 15 май таҳти роҳбарии муовини якуми директори Агентии назорати маводи нашъаовари назди Президенти ҶТ, роҳбари Ситоди ҷумҳуриявӣ Зафар Самад ҷаласаи якуми Ситоди ҷумҳуриявии амалиёти «Кӯкнор-2017» баргузор гардид. Он фаъолияти неруҳо ва воситаҳои дар амалиёт сафарбаршудаи мақомоти ҳифзи ҳуқуқ ва мақомоти иҷроияи ҳокимияти давлатиро роҳбарӣ ва ҳамоҳанг мекунад.
Иштирокчиёни ҷаласа ба масъалаҳои гузоштани дидбонгоҳҳои доимӣ ва сайёр дар масирҳои асосии интиқоли ғайриқонунии маводи мухаддир ва созмон додани гурӯҳҳои фаврӣ-ҷустуҷӯӣ аз ҳисоби намояндагони мақомоти ҳифзи ҳуқуқ диққати махсус доданд.
Барои ташкили кор, назорат ва ҳамоҳангсозии фаъолияти воҳидҳои мақомоти ҳифзи ҳуқуқ ва сохторҳои низомӣ дар маҳалҳо дар назди мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо ситоди кории амалиёти «Кӯкнор-2017» ташкил карда мешаванд.
Амалиёти «Кӯкнор» дар қаламрави Ҷумҳурии Тоҷикистон дар ду марҳила — аз 20 май то 30 август ва аз 1 сентябр то 30 ноябр гузаронида мешавад.
ТАЪСИСИ 500 ҶОЙИ НАВИ КОРӢ. Созишномаи сармоягузорӣ оид ба истифодаи панелҳои офтобӣ ба имзо расонида шуд
ПУРСИДЕД, ҶАВОБ МЕДИҲЕМ. Чӣ тавр пеш аз сафар ба Русия тавассути барномаи RuID дархост фиристодан мумкин аст?
25 сол дар алоқа: оид ба ивазшавии наслҳо, рақамикунонӣ ва корҳои муҳими ба чашм ноаён
Имрӯз дар Тоҷикистон ҳаво то 33 дараҷа гарм мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
