Дар Нуробод бахшида ба Рӯзи ҷавонони Тоҷикистон ҳамоиш доир гардид
НУРОБОД, 22.05.2017. /АМИТ «Ховар»/. Субҳи имрӯз бо ташаббуси Мақомоти иҷроияи ҳокимияти давлатии ноҳияи Нуробод бахшида ба Рӯзи ҷавонони Тоҷикистон дар доираи нақшаи чорабиниҳои Соли ҷавонон дар маркази ноҳия ҳамоиши тантанавӣ баргузор шуд.
Дар ҳамоиш раиси ноҳия, роҳбарони мақомоти ҳифзи ҳуқуқ, ҷавонону фаъолон иштирок намуда, зиёда аз 600 нафар ҷавонони фаъол дар даст шиору овезаҳо ва Парчами давлатӣ бо дарозии 100 метр аз роҳи марказии ноҳия гузаштанд.
Зикр гардид, ки Ҳукумати Ҷумҳурии Тоҷикистон бо мақсади баланд бардоштани нақши ҷавонон дар ҷомеа, фаъолгардонии мақоми онҳо дар ҳаёти иҷтимоию иқтисодии кишвар тадбирҳои амалӣ меандешад. Аз ин рӯ ҷавононро зарур аст, ки ҳисси баланди миллӣ дошта бошанд ва ба Ватан, миллат, давлати соҳибистиқлол ва забону фарҳанги миллии хеш эҳтиром гузошта, барои ҳимояи онҳо ҳамеша омодаю ҳушёр бошанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
