Дар шаҳрҳои Қӯрғонтеппа ва Кӯлоб ярмаркаи ҷойҳои корӣ доир гардид
![](https://khovar.tj/wp-content/uploads/2017/02/Dar-sha-ri-Ro-un-yarmarkai-oj-oi-kori-hol-barguzor-gardid-1.jpg)
ДУШАНБЕ, 09.05.2017. /АМИТ «Ховар»/. Раёсати ҷавонон, варзиш ва сайёҳии вилояти Хатлон дар якҷоягӣ бо Раёсати Агентии меҳнат ва шуғли аҳолӣ дар вилояти Хатлон ҷиҳати ҷалби ҳарчи бештари ҷавонони бекор ба шуғл дар шаҳрҳои Қӯрғонтеппа ва Кӯлоб ярмаркаи ҷойҳои корӣ ва вазифаҳои озодро баргузор намуданд.
Тавре аз Раёсати ҷавонон, варзиш ва сайёҳии вилояти Хатлон иттилоъ доданд, дар ярмарка 166 ташкилоту муассиса ва корхонаҳо иштирок карда, 2659 ҷойи кориро пешниҳод намуданд.
Дар ярмаркаи ҷойҳои корӣ ва вазифаҳои озод 3609 нафар шаҳрвандон иштирок намуданд. Аз инҳо 304 нафар ба ҷойи кор рохҳат гирифта, 272 нафар шаҳрвандон бо кор таъмин шуданд. 221 нафар ба касбомӯзӣ ва 55 нафар ба корҳои ҷамъиятӣ ҷалб карда шуданд.