Дипломати тоҷик: «Дар Тоҷикистон «Шоҳнома»-и Фирдавсӣ ҷойгоҳи бузург дорад»
ДУШАНБЕ, 17.05.2017/АМИТ «Ховар»/. «Фирдавсӣ бо шоҳкории беназираш шӯҳраи офоқ гардидааст ва ҳеҷ ҳамосаи ҷаҳонӣ бо ин беҳтарин номаи бостон ҳамвазн нест»,- чунин гуфт Сафири Фавқулода ва Мухтори Ҷумҳурии Тоҷикистон дар Теҳрон Неъматулло Эмомзода дар маросими ифтитоҳи намоишгоҳи асарҳои ҳунарманди эронӣ Бобаки Гермчӣ марбут ба «Шоҳнома»-и Фирдавсӣ дар Муассисаи фарҳангии ЭКО.
Дипломати тоҷик ҳамзамон таъкид кард ки дар Тоҷикистон пиру барно бо «Шоҳнома»-и сухансарои камназир Фирдавсӣ, ки арзиши таърихӣ, забонӣ, ҷуғрофӣ ва зебоишиносӣ дорад, шиносанд ва аксари хонаводаҳои тоҷик номи фарзандони худро бар пояи номи қаҳрамонони ин асар интихоб мекунанд.
Номбурда дар идома зикр намуд, ки дар замони Иттиҳоди Шӯравӣ бар пояи достонҳои «Шоҳнома» киностудияи «Тоҷикфилм» 3 филм таҳия намуда буд, ки бо таваҷҷуҳ ба тарғиби арзишҳои маънавии мондагори ватандӯстӣ, ҷавонмардӣ, хушахлоқӣ ва гузашту фидокорӣ аҳамияти худро аз даст надодаанд. «Давлати мо муҷассамаи донои Тӯсро дар яке аз гӯшаҳои пойтахти Тоҷикистон гузошт ва чандин мактабу кӯча ва ноҳияеро дар Душанбе ба номи пири суханварони Аҷам номгузорӣ намудааст. Ҳамасола ба пос доштани номи ин абармарди олами адаб маҳфилҳои шоҳномахонӣ баргузор мешаванд», — афзуд Эмомзода.
Намояндаи Тоҷикистон дар Муассисаи фарҳангии Созмони Ҳамкории Иқтисодӣ (ЭКО) Шоҳмансури Шоҳмирзо ба АМИТ «Ховар» аз Теҳрон иттилоъ дод, ки намояндагони Сафорати Тоҷикистон дар Теҳрон дар рӯзи бузургдошти Ҳаким Абулқосим Фирдавсӣ, ки ҳамасола 15 май барпо мешавад, дар маҳфилҳои адабӣ дар шаҳрҳои Язд, Кирмон, Машҳад ва Нишопур ширкат намуданд.
Ёдовар мешавем, ки имсол Рӯзи бузургдошти Фирдавсӣ таҳти унвони «Рӯзи посдошти забони форсӣ – тоҷикӣ» эълом шуд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
