Филиали Ширкати «IRS» техникаву таҷҳизоти махсусгардонидашуда ворид менамояд
ДУШАНБЕ, 24.05.2017. /АМИТ Ховар/. Филиали Ширкати саҳомии «Иновейтив Роуд Солюшнз ЛТД» дар Ҷумҳурии Тоҷикистон баҳри баланд бардоштани сатҳу сифати хизматрасонӣ ва дар ин замина мутобиқ намудани он ба талаботи байналмилалӣ талош варзида, айни замон ҷиҳати воридоти техникаву таҷҳизоти пуриқтидори замонавӣ тадбирҳои судманд роҳандозӣ менамояд.
Тавре аз Маркази матбуоти филиали мазкур хабар доданд, бо назардошти талаботи замон ва таъмини рушди бемайлони Ширкат намояндагони он аз 10 то 21 май ба Ҷумҳурии Мардумии Чин сафари корӣ доштанд. Зимни сафар масъулин бо роҳбарияти ширкати маъруфи «Votai Construction Engineering Limited» мулоқот намуданд.
Намояндагони ширкат ҷанбаҳои гуногуни фаъолият, аз ҷумла масъалаи хариди техникаи махсусгардонишудаи соҳаро мавриди баррасӣ қарор дода, дар корхонаи «XCMG GROUP» бо номгўйи чунин техникаҳо шинос шуданд.
Ҳамчунин намояндагони филиали Ширкати «IRS» дар шаҳри Уси бо роҳбарияти ширкати «Wuxi Longli Mechanical Engineering Co.Ltd» вохӯрда, бо фаъолияти сехҳои истеҳсолӣ ва дигар иншооти марбут ба ширкати мазкур аз наздик шинос шуданд.
Бо назардошти муҳимияти истифодаи булдозерҳо дар раванди нигоҳдории роҳи Душанбе-Чаноқ масъулини филиали Ширкат дар шаҳри Шанхай аз корхонаи истеҳсоли ин намуди техника боздид ба амал оварданд.
Ширкат ният дорад, ки дар кӯтоҳтарин муҳлат аз Чин техникаҳои махсусгардонидашуда ворид намуда, барои роҳандозии табодули таҷриба ва бозомўзии кормандон дар ширкати «Wuxi Longli» мусоидат намояд.
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
