Хонандагони тоҷик аз Руминия бо 10 медал баргаштанд
ДУШАНБЕ, 03.05.2017 /АМИТ «Ховар»/. Аз 27 апрел то 1 май дар шаҳри Бухарести Ҷумҳурии Руминия Олимпиадаи байналмилалии лоиҳавӣ «INFOMATRIX-2017» аз фанни технологияҳои иттилоотӣ баргузор гардид. Дар он 10 нафар хонандагони болаёқати муассисаҳои таълимии Тоҷикистон ширкат варзиданд.
Тавре аз Вазорати маориф ва илми Ҷумҳурии Тоҷикистон хабар доданд, дар олимпиада аз 45 давлати дунё хонандагон 359 лоиҳа пешниҳод карда, дар ҷамъбаст 2 нафар хонандаи тоҷик сазовори медали тилло, 2 нафар сазовори медали нуқра ва 6 нафар сазовори медали биринҷӣ гардиданд ва Парчами Тоҷикистонро баланд бардоштанд.
Натиҷаи ҷамъбасти олимпиада нишон дод, ки хонандагони Муассисаи давлатии таълимии «Литсей-интернати Президентӣ барои кўдакони лаёқатманди Ҷумҳурии Тоҷикистон» Мирзоалӣ Алиев ва Ориёншоҳ Ҷонмаҳмадов бо пешниҳоди як лоиҳа сазовори медали тилло, муҳассилини Литсейи хонандагони болаёқати равияи иқтисодии шаҳри Душанбе Мирзораҷаб Раҷабов ва Сорбон Набиев бо пешниҳоди як лоиҳа сазовори медали нуқра, Анушервон Зубайдуллозода, Саддамбек Бобоев аз Мактаби байналмилалии президентии шаҳри Душанбе, Ҳамза Норбеков ва Асрор Асроров аз Литсей барои хонандагони болаёқати шаҳри Турсунзода ва Мавзуна Заробиддинзода, Фарзона Бобоҷонова аз Литсей барои хонандагони болаёқати шаҳри Хуҷанд сазовори медали биринҷӣ гардиданд.
Қобили зикр аст, ки дар маҷмўъ, аз аввали соли 2017 мактаббачагони тоҷик ба Ватан 73 медал (8 медали тилло, 29 медали нуқра, 36 медали биринҷӣ) овардаанд.
Эмомалӣ Раҳмон: Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
