«Ифтихори тиллоии мо»- ғолиби озмуни «Пайрави Пешво»

Май 12, 2017 14:48

ДУШАНБЕ, 12.05.2017. /АМИТ «Ховар»/. Имрӯз дар Маҷмааи  табъу нашри «Шарқи озод» озмуни нашрияи расмии Ҷумҳурии Тоҷикистон-рӯзномаи «Ҷумҳурият» бахшида ба Соли ҷавонон таҳти унвони «Пайрави Пешво» ҷамъбаст гардид.

Дар озмун бо назардошти он ки холҳои бадастовардаи иштирокчиён барои ҷойи аввал кофӣ набуд, тибқи хулосаи доварон ба як нафар ҷои дуюм ва ба ду нафари дигар ҷои сеюм сазовор дониста шуд.

Камол Наврӯзӣ бо матлаби «Ифтихори тиллоии мо» бо гирифтани 42 хол сазовори ҷойи дуюм гардида, Оҳистамоҳ Вафобекзода ва Муҳаммадӣ Шоҳ сазовори ҷойи сеюм гардиданд.

Қурбоналӣ Раҳмонзода, сармуҳаррири нашрия  ғолибонро табрик намуда, ҳадафи озмунро муаррифии ҷавонони муваффақу болаёқат дар бахшҳои роҳбарӣ, ихтироот, илму технология, соҳибкорӣ ва дигар соҳаҳои муҳими иҷтимоии мамлакат арзёбӣ кард. Мавсуф зикр намуд, ки «аз ҷониби Пешвои миллат муҳтарам Эмомалӣ Раҳмон эълон гардидани соли 2017 ҳамчун Соли ҷавонон бори дигар собит сохт, ки роҳбарияти олии мамлакат ба ин неруи созанда ва пешбарандаи ҷомеа эътимоди комил дорад. Дар партави ҳамин сиёсати созанда рӯзномаи «Ҷумҳурият» бахшида ба Соли ҷавонон таҳти унвони «Пайрави Пешво» озмун эълон намуд. Баррасӣ ва натиҷагирии маводи пешниҳодшуда муайян намуд, ки идораи рӯзнома ҳамчун ташкилкунандаи озмун дар иҷрои ҳадафҳои худ муваффақ шудааст, зеро озмун тавонист портрети як гурӯҳи калони ҷавонони лаёқатманди гуногункасбро, ки бо эҷод, ихтироот ва ташаббусҳои созандаашон дар рушди соҳаҳои мухталифи мамлакат саҳми арзанда мегузоранд, муаррифӣ намояд».

Бояд гуфт, ки дар озмуни «Ҷумҳурият», ки аз 10 феврал то 10 майи соли равон ҷараён дошт, зиёда аз 50 асари журналистӣ пешниҳод гардида, беш аз 20 адади онҳо бо салоҳдиди аъзои комиссияи озмунӣ рӯи чоп омаданд.

Барои ҷамъбасти воқеъбинона ва таъмини шаффофият дар озмун аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Ассотсиатсияи публитсистони Тоҷикистон  намояндагон ба ҳайати комиссияи озмунӣ ҷалб карда шуданд.

Май 12, 2017 14:48

Хабарҳои дигари ин бахш

Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад
Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
Иштирокчиёни экспедитсияи «Саёҳат ба қалби Авруосиё-2025» пойгоҳи кайҳонавардии Байконурро тамошо карданд
Ба ифтихори Рӯзи Ваҳдати миллӣ дар Кумитаи ҳифзи муҳити зист ҷамъомади тантанавӣ баргузор гардид
Имрӯз дар водиҳои Тоҷикистон ҳаво то 41 дараҷа гарм мешавад
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад
Таҳти унвони «Забон, Ваҳдат ва суботи миллӣ» конференсияи илмию амалии ҷумҳуриявӣ доир шуд
Бахшида ба Рӯзи Ваҳдати миллӣ дар Саридораи геология ҳамоиш баргузор гардид
Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд
Бахшида ба Рӯзи Ваҳдати миллӣ китоби «Ваҳдатсаро» ба нашр расид