Имрӯз дар Тоҷикистон ҳавои тағйирёбанда боқӣ мемонад
![](https://khovar.tj/wp-content/uploads/2017/05/Havoi.jpg)
ДУШАНБЕ, 31.05.2017 /АМИТ «Ховар»/. Мувофиқи маълумоти мутахассисони Агентии обуҳавошиносии Тоҷикистон, имрӯз, 31 май дар ҷумҳурӣ ҳавои тағйирёбанда шуда, дар ноҳияҳои дурдасти кӯҳӣ боридани борони кӯтоҳмуддат дар назар аст.
Бар асоси пешгӯии ин марказ, имрӯз дар Вилояти Мухтори Кӯҳистони Бадахшон ҳавои абрнок шуда, дар баъзе ҷойҳо боридани борони кӯтоҳмуддат дар назар аст. Дар ғарби вилоят ҳаво шабона 8-13 ва рӯзона 19-24 дараҷа гарм ва дар шарқи ин вилоят шабона -2+3 дараҷа ва рӯзона 10-15 дараҷа гарм мешавад.
Дар вилояти Хатлон ҳавои тағйирёбанда мешавад. Дар манотиқи кӯҳӣ шабона борони кӯтоҳмуддат борида, раъду барқ ва ғубор дар назар аст. Ҳарорати ҳаво шабона 17-22 ва рӯзона 31-36 дараҷа гарм хоҳад шуд.
Дар вилояти Суғд ҳавои тағйирёбанда шуда, дар манотиқи кӯҳӣ боридани борон ва раъду барқ дар назар аст. Дар водиҳо ҳаво шабона 14-19 ва рӯзона 29-34 дараҷа гарм хоҳад шуд.
Дар ноҳияҳои тобеи марказ ҳавои абрнок шуда, дар ноҳияҳои дурдасти кӯҳӣ боридани борони кӯтоҳмуддат ва раъду барқ дар назар аст. Ҳарорати ҳаво дар водиҳо шабона 12-17 ва рӯзона 28-33 дараҷа гарм мешавад.
Дар шаҳри Душанбе ҳавои тағйирёбанда шуда, гармии ҳаво шабона 13-15 ва рӯзона 30-32 дараҷаро ташкил медиҳад.