Имрӯз дар Тоҷикистон ҳавои тағйирёбанда дар назар аст
ДУШАНБЕ, 16.05.2017 /АМИТ «Ховар»/. Мувофиқи маълумоти мутахассисони Агентии обуҳавошиносии кишвар, имрӯз, 16 май дар ҷумҳурӣ ҳаво тағйирёбанда шуда, дар баъзе ноҳияҳо борони кӯтоҳмуддат меборад.
Бар асоси пешгӯии марказ, имрӯз дар Вилояти Мухтори Кӯҳистони Бадахшон ҳавои камабр буда, дар баъзе ҷойҳо борони кӯтоҳмуддат меборад. Дар ғарби вилоят ҳаво шабона 9-14 ва рӯзона 19-24 дараҷа гарм мешавад. Дар шарқи ин вилоят шабона 0-6 дараҷа ва рӯзона 9-14 дараҷа гармӣ пешгӯи гардидааст.
Дар вилояти Хатлон ҳавои тағйирёбанда шуда, борони кӯтоҳмуддат ва дар манотиқи кӯҳӣ борони шиддатнок дар назар аст. Ҳарорати ҳаво шабона 20-25 ва рӯзона 27-32 дараҷа хоҳад шуд.
Дар вилояти Суғд ҳаво қисман абрнок шуда, дар баъзе ҷойҳо борони кӯтоҳ ва раъду барқ пешбинӣ мешавад. Дар водиҳо гармии ҳаво шабона 16-21 ва рӯзона 30-35 дараҷаро ташкил медиҳад.
Дар ноҳияҳои тобеи марказ ҳаво қисман абрнок шуда, дар баъзе маврид борони кӯтоҳмудат дар назар аст. Дар водиҳо шабона 10-15 ва рӯзона 29-34 дараҷа гармӣ пешгӯӣ шудааст.
Дар шаҳри Душанбе ҳавои тағйирёбанда дар назар дошта шуда, борони кӯтоҳмудат ва раъду барқ мешавад. Гармии ҳаво шабона 10-15 ва рӯзона 32-34 дараҷаро ташкил медиҳад.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
