Кормандони бонкҳои тиҷоратӣ бо таҷрибаи маблағгузории соҳаи кишоварзӣ дар Олмон шинос гардиданд
ДУШАНБЕ, 22.05.2017. /АМИТ «Ховар»/. Кормандони бонкҳои тиҷоратӣ, ки бевосита дар самти маблағгузории соҳаи кишоварзӣ кор мебаранд, бо таҷрибаи маблағгузории соҳаи кишоварзӣ дар Олмон шинос гардиданд. Дар ин бора хадамоти матбуоти Бонки миллии Тоҷикистон хабар медиҳад.
Шиносоӣ дар доираи лоиҳаи ҳамкории Бонки миллии Тоҷикистон бо Фонди хазинаи амонатӣ оид ба ҳамкории байналмилалӣ (Олмон) дар самти баланд бардоштани маърифати молиявӣ ва омӯзиши дугона (дуалӣ) зимни машғулиятҳои омӯзишӣ оид ба маблағгузории соҳаи кишоварзӣ баргузор гардид.
Ҳадафи омӯзиши чоррӯза омӯзиши тарзи таҳияи нақшаҳои тиҷоратӣ, таҳлили ҳисоботдиҳии молиявӣ ва хавфи эҳтимолии соҳаи кишоварзӣ буд. Барои гузаронидани семинарҳои омӯзишӣ аз ҷониби Фонди хазинаи амонатӣ оид ба ҳамкории байналмилалӣ (Олмон) коршиноси соҳа — машваратчӣ оид ба мизоҷони корпоративии Хазинаи амонатии шаҳри Ултсени Олмон Артур Клаузер даъват шуд. Мавсуф ба намояндагони бонкҳои тиҷоратӣ дар мисоли амалияи қарздиҳӣ барои харидории таҷҳизоти соҳаи кишоварзӣ ва рушди соҳаи паррандапарварӣ барномаву маълумоти зарурӣ пешниҳод намуд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
