Корвони ҷавонон: «Дӯст ояд, гарм дар оғӯш гир…»
ДУШАНБЕ, 10.05.2017. /АМИТ «Ховар»/. Бахшида ба 20-солагии Рӯзи Ваҳдати миллӣ ва Соли ҷавонон таҳти унвони «Дӯст ояд, гарм дар оғӯш гир» дар шаҳри Сарбанди вилояти Хатлон «Корвони ҷавонон» ташкил карда шуд.
Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд, корвон сафари аввалини худро аз деҳаи Эшонободи ҷамоати деҳоти «Гулистон»-и шаҳр оғоз кард. Ба ҳайати он кормандони ҷавон ва фаъоли корхонаҳо, хонандагони лаёқатманди муассисаҳои таълимӣ, гирандагони стипендияи Президентӣ ва раиси шаҳр шомил буданд.
Бояд гуфт, ки корвони мазкур дар арафаи таҷлили ҷашни 20- солагии Рӯзи Ваҳдати миллӣ ва Соли ҷавонон бо мақсади боло бурдани ҳисси ватандӯстӣ ва сулҳу ваҳдатхоҳии ҷавонон, шиносоӣ бо дастовардҳои якдигар, содиқ будан ба эътимоду эътиқоди Сарвари давлат таъсис дода шудааст.
Мавриди зикр аст, ки тибқи нақшаи Мақомоти иҷроияи ҳокимияти давлатии шаҳр ин барнома рӯзҳои шанбеи ҳар ҳафта дар деҳаҳои ҷамоатҳои деҳоти «Ваҳдат», «Гулистон» ва маркази шаҳр гузаронида мешавад.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
