«Либоси миллӣ-ҳусни миллат» — озмуни фарҳангию маърифатӣ
ДУШАНБЕ, 03.05.2017 /АМИТ «Ховар»/. Бо мақсади тарғиб ва муаррифии намудҳои гуногуни матоъ ва куртаҳои миллӣ, аз ҷумла, атлас ва адраси тоҷик аз ҷониби шуъбаи кор бо ҷавонони Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон бахшида ба Соли ҷавонон дар донишкада озмуни фарҳангӣ- маърифатии «Либоси миллӣ- ҳусни миллат» баргузор гардид.
Дар озмун аз тарафи донишҷӯдухтарон ҳамаи намудҳои либосҳои миллӣ, аз ҷумла чакан, атласу адрас ва гулдӯзӣ намоиш дода шуд.
Муовини ректори донишкада оид ба корҳои тарбиявӣ, дотсент Баҳриддин Ҷабборов зикр кард, ки мақсад аз пӯшидани либоси миллӣ муаррифии фарҳангу ҳунар ва санъати волои мардуми тоҷик аст ва он аз аҷдодонамон ба мо мерос мондааст. «Дарвоқеъ, либоси миллӣ симо ва ҳусни миллат мебошад. Аз ин рӯ, эҳтиром гузоштан ба либоси миллӣ- ин эҳтиром гузоштан ба фарҳангу суннатҳои волои миллӣ мебошад. Моро месазад, ки бо либоси миллии худ ифтихор дошта бошем»,-иброз дошт Б. Ҷабборов.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
