Маорифчиёни ҷавон бо ёдгориҳои таърихӣ ва мероси ниёгони гузашта шинос шуданд
ДУШАНБЕ, 23.05.2017. /АМИТ «Ховар»/. Бахшида ба Рӯзи ҷавонони Тоҷикистон ва Соли ҷавонон бо ташаббуси роҳбарияти Вазорати маориф ва илми Ҷумҳурии Тоҷикистон як гурӯҳ ҷавонон-кормандони дастгоҳи марказии вазорат ва муассисаҳои тобеи он ба шаҳри Норак сафар намуданд.
Тавре аз хадамоти матбуоти вазорат хабар доданд, зимни сафар ҷавонон нахуст аз Неругоҳи барқи обии Норак ва осорхонаи он дидан намуданд. Ба ҷавонон маълумот дода шуд, ки Неругоҳи барқи обии Норак бо иқтидори 3.0ГВт фаъолият намуда, 75 фоизи аҳолиро бо неруи барқ таъмин менамояд. Корҳои лоиҳакашии он солҳои 50-уми асри гузашта оғоз гардида, то соли 1961 идома ёфтаанд.
Баландии дарғоти он 300 метрро ташкил медиҳад, ки то соли 2013 он баландтарин дарғоти ҷаҳон маҳсуб мешуд. Шурўъ аз соли 2014 аз моҳи май то октябр Тоҷикистон ба ҷумҳуриҳои Қирғизистону Афғонистон неруи барқ интиқол медиҳад.
Иштирокчиёни сафар аз Осорхонаи марказии шаҳр дидан намуда, бо ёдгориҳои таърихӣ ва мероси гузаштагон, ки дар он нигоҳдорӣ мешаванд, шинос гардиданд.
Сафари маорифчиён бо истироҳат дар соҳили дарёи Вахш ва мусобиқаҳои варзишии футболу волейбол ва тенниси рўймизӣ анҷом ёфт, ки басо хотирмон буд.
Созмони озуқаворӣ ва кишоварзӣ: Тоҷикистон дар сатҳи 95 фоиз худро бо орд таъмин менамояд
Имсол кирмакпарварони ноҳияи Ёвон 21 тонна пилла супориданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Сокинони минтақаи Рашт ба зарардидагони офати табиии шаҳри Кулоб кумак расониданд
МегаФон Тоҷикистон: боз панҷ «Устоди алоқа»!
Доир ба нақши Президенти Тоҷикистон дар рушди забони давлатӣ силсилавохӯриҳо баргузор мегарданд
Имрӯз дар баъзе шаҳру ноҳияҳои Тоҷикистон борон меборад
Дар Балҷувон иқдоми «300 рӯзи ободонӣ» эълон гардидааст
Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
Имрӯз дар баъзе ноҳияҳои Тоҷикистон борони бошиддат меборад
«МАЛАКАҲОИ КАСБӢ». Дар Душанбе даври дуюми ин фестивали ҷумҳуриявӣ доир шуд
