Марҳалаи дуюми машқҳои зиддитеррористӣ дар Маркази ҷумҳуриявии телевизион ва радиои Тоҷикистон мегузарад
ДУШАНБЕ, 31.05.2017. /АМИТ«Ховар»/. Нимаи аввали имрӯз дар Душанбе дар доираи Ҷамъомади ҳайати роҳбарикунандаи сохторҳои зиддитеррористии мақомоти амният ва хадамоти махсуси кишварҳои Иттиҳоди давлатҳои мустақил амалиёти фаврӣ-ҳарбии «озодкунии» Маркази ҷумҳуриявии радио ва телевизиони Тоҷикистон аз террористони шартӣ ва «раҳо намудани гаравгонҳо» баргузор карда мешавад. Дар ин бора хабарнигори АМИТ «Ховар» иттилоъ медиҳад.
Дар амалиёти машқии зиддитеррористӣ дар Маркази ҷумҳуриявии радио ва телевизиони Тоҷикистон сохторҳои махсуси КДАМ ҶТ, ВКД ҶТ ва Кумитаи ҳолатҳои фавқулода ва мудофиаи граждании ҶТ иштирок мекунанд. Ҷараёни амалиёти машқии мазкур аз тарафи роҳбарони сохторҳои зиддитеррористии кишварҳои ИДМ ва намояндагони СҲШ, СААД ва САҲА мушоҳида карда мешавад.
Тавре аз Маркази зиддитеррористии ИДМ ба хабарнигори АМИТ «Ховар» иттилоъ доданд, марҳалаи аввали машқҳои зиддитеррористии «Душанбе-Зиддитеррор-2017» рӯзҳои 23-26 май дар ҳудуди кишварҳои Арманистон, Беларус, Қазоқистон, Қирғизистон, Россия ва Тоҷикистон таҳти роҳбарии Ситоди Маркази зиддитеррористии ИДМ баргузор шуда буд.
Марҳалаи аввал ҷараёни ҳамкории хадамоти махсуси кишварҳои ИДМ дар мубориза бар муқобили ҷинояткорони байналхалқӣ, пайдо кардан ва пешгирӣ намудани эмиссарони гурӯҳҳои байналхалқии террористӣ дар шабакаҳои иҷтимоӣ, гирифтани пеши роҳи ҷалб шудани шаҳрвандон ба гурӯҳҳои террористӣ тавассути шабакаҳои интернетӣ, огоҳсозии кишварҳо зимни сар задани хатарҳои террористӣ ва дигар паҳлӯҳои ҳамкорӣ дар бахши амният ва бехатариро дарбар гирифта буд.
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
