Муассисаҳои тандурустӣ ва ҳифзи иҷтимоии шаҳри Душанбе вазифадор гаштанд ба шабакаи мутамаркази гармидиҳӣ пайваст шаванд
ДУШАНБЕ, 22.05.2017. /АМИТ «Ховар»/. Омодагӣ ба мавсими тирамоҳу зимистони солҳои 2017 ва 2018 зимни ҷаласаи ҳайати мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мавриди баррасӣ қарор гирифт.
Тавре ба АМИТ «Ховар» аз хадамоти матбуоти вазорат иттилоъ доданд, аз натиҷаи зимистонгузаронӣ дар муассисаҳои тандурустӣ дар давраи тирамоҳу зимистони гузашта сардори Раёсати иқтисодӣ ва банақшагирии буҷети соҳаҳои тандурустӣ ва ҳифзи иҷтимоии аҳолӣ Саидалӣ Амонов муфассал сухан гуфт. Бино ба гуфтаи С.Амонов, на дар ҳамаи муассисаҳо кор ба таври зарурӣ ба роҳ монда шуда буд. «Ба шабакаи ягонаи гармидиҳӣ пайваст набудани баъзе муассисаҳо, сари вақт ва бо сифати баланд таъмин нашудани бархе аз муассисаҳои ноҳияҳои дурдаст бо ангишту ҳезум чанд мушкилиро ба бор оварда буд»,-илова кард сардори Раёсати иқтисодӣ ва банақшагирии буҷети соҳаҳои тандурустӣ ва ҳифзи иҷтимоии аҳолӣ.
Вазири тандурустӣ ва ҳифзи иҷтимоии аҳолӣ Насим Олимзода ба ҳамаи роҳбарони муассисаҳои тандурустӣ, аз ҷумла роҳбарони раёсатҳои тандурустии вилоятҳои Хатлону Суғд ва ВМКБ, роҳбарони муассисаҳои ташхисиву табобатии ҷумҳурӣ ва шаҳру ноҳияҳои тобеи марказ супориши қатъӣ дод, ки то 1 сентябри соли равон ба мавсими тирамоҳу зимистонгузаронӣ пурра омода шуда, ба роҳбарияти Вазорати тандурустӣ ва ҳифзи иҷтимоии аҳолӣ ҳисоботи мушаххаси худро пешниҳод намоянд.
Ҳамаи муассисаҳои тандурустӣ ва ҳифзи иҷтимоии шаҳри Душанбе вазифадор карда шуданд, ки ба шабакаи мутамаркази гармидиҳӣ пайваст шуда, қувваи барқро сарфа намоянд. Ноҳияҳо ва шаҳрҳо уҳдадор карда шуданд, ки ангишту ҳезумро барои муассисаҳояшон сари вақт захира намоянд.
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
