Муколамаи аъзои ҷомеаи арбитрҳои Тоҷикистон ва Аврупо
ДУШАНБЕ, 31.05.2017 /АМИТ «Ховар»/. Масоили мубрами Арбитражи байналмилалии тиҷоратӣ 30 май зимни нишаст дар Душанбе бо иштироки аъзои ҷомеаи арбитрҳои Тоҷикистон ва Аврупо матраҳ гардиданд. Палатаи савдо ва саноати Ҷумҳурии Тоҷикистон ва Бунёди ҳамкории байналмилалии ҳуқуқии Германия (IRZ) аз созмондиҳандагони нишаст буда, дар он дар радифи намояндагони мақомоти давлатӣ, донишмандон –ҳуқуқшиносон ва коршиносони олмонӣ ширкат доштанд.
Исрофил Бобоҷонзода, раиси Арбитражи байналмилалии тиҷоратии Тоҷикистон /АБТ/ гуфт, ки ҳадафи нишаст мубодилаи афкор оид ба таҷрибаи расмиёти арбитражи байналмилалии тиҷоратӣ ва рушди қонунгузорӣ дар ин соҳа ва муколамаи аъзои ҷомеаи арбитрҳои Тоҷикистон ва Аврупо мебошад.
Манзура Рустамова, муовини раиси Палатаи савдо ва саноати Ҷумҳурии Тоҷикистон ташкили Арбитражи байналмилалии тиҷоратиро дар Тоҷикистон қадами муҳим дар самти ҳалли баҳсҳои тиҷоратӣ арзёбӣ кард. Мавсуф афзуд, ки бо мақсади амалисозии Қонуни Ҷумҳурии Тоҷикистон «Дар бораи арбитражи байналмилалии тиҷоратӣ» аз ҷониби Шӯро ва Раёсати Палатаи савдо ва саноати кишвар қарорҳои марбута қабул гардидаанд.
Зикр шуд, ки мутобиқи Қонуни Ҷумҳурии Тоҷикистон «Дар бораи арбитражи байналмилалии тиҷоратӣ» таъсиси Институти арбитражи байналмилалии тиҷоратии ватанӣ ва сармоягузорони хориҷӣ аҳамияти муҳим дорад. Инчунин таъкид гардид, ки Ҷумҳурии Тоҷикистон соли 2012 Конвенсияи Ню-Йорк дар бораи эътироф ва ба иҷро расонидани ҳалномаҳои судҳои арбитражи байналмилалиро ба тасвиб расонидааст.
Арбитражи байналмилалии тиҷоратӣ модели аз сӯи ҷомеаи ҷаҳонӣ эътирофгардидаи танзими ҳуқуқӣ буда, он манфиатҳои иштирокдорони савдои хориҷиро ифода менамояд.
Иштирокдорони нишаст ҳамзамон доир ба масъалаҳои мубрами ташаккули дастури Арбитражи байналмилалии тиҷоратӣ, тартиби истеҳсолоти арбитражӣ ва мутобиқ намудани онҳо ба меъёрҳои байналмилалии умумиэътирофшудаи ҳуқуқи байналмилалӣ табодули назар карданд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
