Нақшаи кишти баҳорӣ дар хоҷагиҳои кишоварзии вилояти Суғд дар ҳоли иҷро шудан аст
ХУҶАНД, 13.05.2017. /АМИТ «Ховар»/. Имрӯзҳо дар хоҷагиҳои кишоварзии ноҳияҳои шимоли кишвар чун дигар минтақаҳои ҷумҳурӣ корҳои саҳроӣ, аз ҷумла, кишти баҳорӣ бо маром идома доранд.
Тавре ба АМИТ «Ховар» масъулин аз Идораи кишоварзии вилояти Суғд иттилоъ доданд, соли равон кишоварзони шимоли Тоҷикистон азм доранд бо риояи қоидаҳои агротехникӣ кишти баҳориро сари вақт гузаронида, ҳосили фаровон ба даст оранд.
Ҳоло дар ҳамаи хоҷагиҳои деҳқонии 14 шаҳру ноҳияҳои вилоят корҳо хуб ба роҳ монда шуда, соли равон тибқи дурнамо бояд дар майдони 170546 гектар кишти баҳорӣ гузаронида шавад. То 11 май иҷрои ин нишондод 90,8% ё ин ки 154 ҳазору 783 гектарро ташкил дода, корҳо дар ин самт хосатан дар ноҳияҳои Шахристон (99,1%), Истаравшан (97,6%), Мастчоҳ (94,2%), Зафаробод (94,2%) ва Деваштич (94%) хуб ба роҳ монда шудаанд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
