Насим Олимзода бо Катрин Оллерс татбиқи лоиҳаҳо дар самти иҷтимоиро баррасӣ карданд
ДУШАНБЕ, 30.05.2017 /АМИТ «Ховар»/. Дар шаҳри Бонн 26 май мулоқоти Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо ҳамраиси Комиссияи байниҳукуматии Тоҷикистону Германия оид ба ҳамкории молиявӣ-иқтисодӣ хонум Катрин Оллерс баргузор гардид.
Тавре аз Вазорати корҳои хориҷии Ҷумҳурии Тоҷикистон хабар доданд, зимни мулоқот Насим Олимзода ба ҷониби олмонӣ барои дастгирии пайваста дар рушди бахшҳои иҷтимоии Тоҷикистон, бахусус бахши тандурустӣ изҳори миннатдорӣ намуд. Ҳамчунин таъкид гардид, ки алҳол дар Тоҷикистон бо дастгирии бевоситаи молиявии кишвари Ҷумҳурии Федераивии Германия лоиҳаҳо дар самти ҳифзи модару кӯдак, пешгирии бемории сил, таҷҳизонидани беморхонаҳо бо таҷҳизоти пешрафтаи олмонӣ амалӣ мегарданд. Ҷонибҳо ҳамкории мутақобилан судманди ҳарду кишвари дӯстро муҳим арзёбӣ карда, омодагии худро ҷиҳати минбаъд низ амалӣ намудани лоиҳаҳо дар самти иҷтимоӣ, алалхусус соҳаи тандурустӣ ва ҳифзи иҷтимоии аҳолӣ изҳор намуданд.
Ҳамзамон дар шаҳри Франкфурти соҳили Майни Германия мулоқоти Вазири тандурустӣ ва ҳифзи иҷтимоии аҳолии Тоҷикистон бо директори минтақавии Бонки рушди Германия (KfW) Олаф Зимелка баргузор гардид, ки зимни он масъалаҳои вобаста ба лоиҳаҳое, ки бо дастгирии Бонки рушди Германия дар соҳаҳои иҷтимоӣ дар Тоҷикистон амалӣ мешаванд, мавриди баррасӣ қарор дода шуданд.
Дар мулоқотҳо Сафири Фавқулода ва Мухтори Тоҷикистон дар Германия Маликшо Неъматов низ иштирок намуд.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
