Неруҳои амниятии кишвар кӯшиши қочоқбаронро дар марзи Тоҷикистону Афғонистон барбод доданд
ХОРУҒ, 22.05.2017 /АМИТ «Ховар»/. Сокинони деҳаи Вамди ноҳияи Рӯшон Фаррух Назришоев ва Ҳабибуло Абдуллоев бо маслиҳати пешакӣ бо Мурод ном нашъаҷаллоб дарёи Панҷро ғайриқонунӣ убур намуда, дар деҳаи Ҷоведи вулусволии Шуғнони вилояти Бадахшони Афғонистон, дар хонаи дӯсташон «меҳмон» мешаванд. Дар ин ҷо бар ивази машруботи спиртӣ ва иловаи пули нақд маводи мухаддирро дастрас намуда, худи ҳамон рӯз ба зодгоҳашон бармегарданд. Аммо дар бозгашт кормандони Раёсати Кумитаи давлатии амнияти миллии Ҷумҳурии Тоҷикистон, ки ин амали ғайрқонуниашонро пайгирӣ мекарданд, бо баргузории як амалиёти фаврӣ дар соҳили дарёи Панҷ бо камераи мошини боркаш ва миқдори муайяни маводи мухаддири навъи героин ва ҳашиш онҳоро боздошт мекунанд. Дар ин бора аз Раёсати Кумитаи давлатии амнияти миллии Ҷумҳурии Тоҷикистон ба АМИТ «Ховар» иттилоъ доданд.
Аз рӯи ҳодисаи мазкур аз тарафи шуъбаи тафтишоти Раёсати Кумитаи давлатии миллӣ дар Вилояти Мухтори Кӯҳистони Бадахшон нисбат ба ин ду нафар бар асоси моддаҳои 335, қисми 2, 201 қисми 3 ва 289 қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, корҳои тафтишотӣ идома доранд.
Аз Раёсати мазкур ҳамчунин хабар доданд, ки яке аз ду қочоқбар- Фаррух Назришоев соли 2014 низ бо ҷурми қочоқи маводи мухаддир ва убури ғайрқонунии марзи давлатӣ аз сӯи кормандони Кумитаи давлатии амнияти миллӣ дастгир ва бо ҳукми суд ба муҳлати 6 сол аз озодӣ маҳрум гардида будааст. Ӯ соли 2016 тибқи Қонун «Дар бораи авф» аз маҳбас озод шуд. Аммо баъди ҳамагӣ чанд моҳ боз даст ба ҷиноят зад.
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
