Ҳолати молиявии ду бонки низомсоз- «Агроинвестбонк» ва «Тоҷиксодиротбонк» баррасӣ гардид
ДУШАНБЕ, 31.05.2017. /АМИТ «Ховар»/. Вазъи феълии низоми бонкӣ дар кишвар, аз ҷумла ҳолати молиявии ду бонки низомсоз- ҶСК «Агроинвестбонк» ва ҶСК «Тоҷиксодиротбонк» 30 май зимни мулоқоти муовини якуми Раиси Бонки миллии Тоҷикистон Ҷамолиддин Нуралиев, Роҳбари намояндагии Бонки Аврупоии Таҷдид ва Рушд Айтен Рустамова ва Директори ширкати байналмилалии машваратии «Alvarez&Marsal» Николай Кузнетсов мавриди баррасӣ қарор дода шуд.
Тавре аз Бонки миллии Тоҷикистон хабар доданд, мулоқоти мазкур дар доираи кумаки техникии Бонки аврупоии таҷдид ва рушд ва шартномаи ҳамкорӣ бо Ширкати байналмилалии машваратии «Alvarez&Marsal» ҷиҳати таҳияи нақшаи солимгардонии ду бонки низомсоз- ҶСК «Агроинвестбонк» ва ҶСК «Тоҷиксодиротбонк» баргузор гардид.
Дар мулоқот ҷонибҳо оид ба сифати сандуқи қарзӣ, дороиҳо ва уҳдадориҳо, шабакаи филиалҳо, вазъи таъминоти барномавӣ ва иттилоотӣ ибрози назар намуданд.
Зимни мулоқот муовини якуми раиси Бонки миллӣ Ҷамолиддин Нуралиев изҳор дошт, ки Бонки миллии Тоҷикистон барои ҳамкорӣ бо ширкати «Alvarez&Marsal» ҷиҳати таҳияи нақшаи солимгардонии бонкҳои мазкур омода аст. Аз ҷумла, бо ишора ба таҷрибаи касбии мутахассисони ширкат Ҷамолиддин Нуралиев изҳори боварӣ намуд, ки аз ҷониби ширкати «Alvarez&Marsal» модели нав ва муносиб барои солимгардонии бонкҳои номбурда таҳия ва пешниҳод хоҳад шуд.
Директори Ширкати байналмилалии машваратии «Alvarez&Marsal» Николай Кузнетсов барои ҳамкорӣ ва мусоидат аз намояндагони Бонки миллии Тоҷикистон изҳори сипос намуда, зикр кард, ки барои сазовор гаштан ба интизории Бонки миллии Тоҷикистон бо истифода аз таҷрибаи кофӣ дар ин самт тамоми саъю кӯшиши худро равона хоҳад сохт.
Боиси тазаккур аст, ки дар мулоқоти мазкур инчунин аз ҷониби Бонки аврупоии таҷдид ва рушд Марина Ермакова, мутахассисони Ширкати байналмилалии машваратии «Alvarez&Marsal» Александр Волчков, Александр Еремин, Андрей Шинкаренко ва роҳбарони воҳидҳои сохтории Бонки миллии Тоҷикистон ширкат намуданд.
Аъзои Ҳизби Халқии Демократии Тоҷикистон дар шаҳри Хоруғ соҳиби бинои нав мегарданд
ФИЛМИ ҲУНАРИИ «ВИҶДОН». Дар пасманзари он маконҳои зебои сайёҳиву ҳунарҳои мардумии Тоҷикистон муаррифӣ мегарданд
Имрӯз дар Тоҷикистон ҳаво тағйирёбанда шуда, борон меборад
Иштирокдорони ҳамоиш дар Душанбе ҷойгоҳи Айнӣ дар ташаккули мафкураи миллиро баррасӣ намуданд
РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Бахшида ба он дар Донишгоҳи технологии Тоҷикистон конференсияи ҷумҳуриявии илмӣ-амалӣ баргузор шуд
Дар Душанбе дар мавзуи «Маърифати ҳуқуқӣ-омили муҳими таҳкими давлатдории миллӣ» конфронси байналмилалӣ доир шуд
Мафкураи солим ва дониши мукаммал омили муҳими рушди устувор ва амнияти ҷомеа мебошад
27-28 апрел дар Тоҷикистон ҳавои боронӣ пешгӯӣ мешавад
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
