Рамазон Раҳимзода ба ҷавонон: «Бояд ҳамарӯза аз таҳаввулоти сиёсӣ ва хатару таҳдидҳои замони муосир огаҳ бошед!»
ДУШАНБЕ, 31.05.2017. /АМИТ«Ховар»/. Вазири корҳои дохилӣ, генерал-лейтенанти милитсия Рамазон Раҳимзода дар доираи Соли ҷавонон бо курсантони Академияи Вазорати корҳои дохилии Ҷумҳурии Тоҷикистон вохӯрӣ доир намуда, оид ба фаъолияти фаврӣ-ҷустуҷӯӣ дарси омӯзишӣ гузаронид.
Тавре аз Вазорати корҳои дохилии Ҷумҳурии Тоҷикистон хабар доданд, Вазири корҳои дохилӣ зикр кард, ки моҳияти Соли ҷавонон ин аст, ки нақши ҷавонон дар пешбурду тараққиёти кишвар ва соҳаҳои мухталифи ҳаёти ҷомеа боз ҳам таъсирбахш гардида, ҷавонон дар ободию созандагии диёри хеш саҳмгузор бошанд.
«Бояд ҳамарӯза аз ҳаёти ҷомеаи ҷаҳонӣ, таҳаввулоти сиёсӣ ва хатару таҳдидҳои замони муосир ба воситаи интернет ва воситаҳои ахбори омма огаҳӣ пайдо намоед. Дарди дили мардумро ҳис кунед ва дар оянда мутахассиси хуб шавед. Сарвари давлат ҳамеша таъкид менамоянд, ки ҷавонон бояд забонҳои хориҷӣ ва технологияи муосирро аз худ намоянд, зеро мо бо дигар кишварҳо ҳамкории дуҷониба ва бисёрҷониба дорем ва донистани забонҳои хориҷӣ барои кор ниҳоят муҳим аст».
Зикр гардид, ки курсантони Академияи Вазорати корҳои дохилӣ бояд малакаю дониши худро баланд бардошта, бар зидди ҳама гуна ҷинояту ҷинояткорӣ, қонуншиканию ҳуқуқвайронкунӣ мубориза баранд ва барои таъмини амният, ҳифзи тартиботи ҷамъиятӣ ва ҳимояи ҳуқуқу озодиҳои шаҳрвандон саъю талош варзанд.
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
