Рамазон Раҳимзода: «Мушкилоти муҳоҷирони меҳнатӣ ба Президенти Ҷумҳурии Тоҷикистон Эмомалӣ Раҳмон расонида мешаванд»
ДУШАНБЕ, 17.05.2017. /АМИТ «Ховар»/. Дирӯз Вазири корҳои дохилии Ҷумҳурии Тоҷикистон Рамазон Раҳимзода бо супориши Пешвои миллат муҳтарам Эмомалӣ Раҳмон дар шаҳри Сочи бо роҳбарони ҷамъиятҳои тоҷикон дар Федератсияи Россия вохӯрӣ доир намуд.
Тавре аз Вазорати корҳои дохилии ҶТ хабар доданд, дар вохӯрӣ зиёда аз 60 нафар намояндагони ҷамъиятҳои тоҷикон аз вилоятҳо ва шаҳрҳои Россия иштирок намуда, миннатдории худро ба Президенти Ҷумҳурии Тоҷикистон муҳтарам Эмомалӣ Раҳмон оид ба авфи муҳоҷиратӣ–расмикунонии будубоши муҳоҷирони меҳнатӣ ва муҳайё кардани шароити мусоид расониданд.
Дар вохӯрӣ роҳбарони ҷамъиятҳои тоҷикони Федератсияи Россия мушкилоти муҳоҷирони меҳнатӣ-шаҳрвандони Ҷумҳурии Тоҷикистонро, ки дар Федератсияи Россия ба фаъолият машғуланд, ба Вазири корҳои дохилӣ Рамазон Раҳимзода баён доштанд. Вазири корҳои дохилӣ изҳор дошт, ки барои ҳифзи ҳуқуқи муҳоҷирони меҳнатӣ ҳамаи тадбирҳо андешида шуда, мушкилоти муҳоҷирони меҳнатӣ ба Президенти Ҷумҳурии Тоҷикистон муҳтарам Эмомалӣ Раҳмон расонида мешаванд.
Рамазон Раҳимзода барои ҳамкории судманд бо мақомоти корҳои дохилӣ як гурӯҳ намояндагони ҷамъиятҳои тоҷикон дар Федератсияи Россияро бо медалҳои «Барои ҳамкорӣ» ва ифтихорномаҳои фахрӣ қадрдонӣ кард.
Ёдовар мешавем, ки Вазири корҳои дохилӣ Рамазон Раҳимзода барои иштирок дар ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия ба шаҳри Сочи сафари корӣ намудааст.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
