Таҳқиқи хосиятҳои электрикии обҳои нӯшокии шаҳри Душанбе дар Донишгоҳи давлатии омӯзгории Тоҷикистон

ДУШАНБЕ, 15.05.2017 /АМИТ «Ховар»/. Дар Донишгоҳи давлатии омӯзгории Тоҷикистон ба номи Садриддин Айнӣ конфронси илмӣ-амалӣ таҳти унвони  «Проблемаҳои муосири рушди илмҳои табиӣ-риёзӣ дар Ҷумҳурии Тоҷикистон» баргузор гардид.

Тавре аз Донишгоҳи мазкур ба хабарнигори АМИТ «Ховар» иттилоъ доданд, дар конфронс муҳимтарин масъалаҳои рушди илмҳои табиӣ ва риёзӣ дар се бахш бо ширкати донишмандон, олимони соҳа ва донишҷӯён мавриди баррасӣ қарор гирифтанд.

Ба иттилои манбаъ, дар бахши Физикаи муҳитҳои конденсионӣ ширкаткунандагон маърӯзаҳои «Тадқиқи гармигузаронии маҳлулҳои равғани офтобпараст аз консентратсияи н-гексан дар фишор ва ҳароратҳои баланд», «Таҳлили муқоисавии сохтори системаи nа,cа//сo3,f  h2o  дар ҳароратҳои 25 ва 50 ос», «Таҳқиқи хосиятҳои  электрикии обҳои нӯшокии шаҳри  Душанбе», «Ба воситаи методҳои  физикавӣ ва химиявӣ муайян намудани таркиби партовҳо» ва «Техникаи микропротсессорӣ ва истифодаи он дар рӯзгор» шунида шуданд.

Иштирокдорони гурӯҳи Методикаи таълими физика атрофи «Муносибати салоҳиятнокӣ ба таълими физика», «Нақши масъалаҳои графикӣ ва фаъолияти дарккунии хонандагон дар ҷараёни таълими физика», «Робитаи байнифаннӣ дар раванди таълими фанни физика», «Алгоритми ҳалли масъалаҳо доир ба мавзӯи «Қонуни якуми термодинамика» ва «Робитаи байни фаннии физика ва биология дар омӯзиши мавзӯи афканишоти электромагнитӣ» баҳс карданд.

Дар бахши математика ва методикаи таълими он қариб 20 маърӯзаву гузоришҳои илмӣ шунида шуданд.