Ташрифи ҳайати расмии Бонки миллии Швейтсария ба Бонки миллии Тоҷикистон
ДУШАНБЕ, 16.05.2017. /АМИТ «Ховар»/. Ҳайати намояндагии Бонки миллии Швейтсария таҳти роҳбарии Директори тозатаъйини Департаменти кумакҳои техникии бонк Марко Кавалиере 15 майи соли равон бо сафари расмӣ ба Бонки миллии Тоҷикистон ташриф овард.
Тавре аз Бонки миллии Тоҷикистон хабар доданд, дар мулоқоти расмӣ, ҳайати намояндагии Бонки миллии Швейтсарияро муовини Раиси Бонки миллии Тоҷикистон Ҳамидулло Машрабзода бо вазъи низоми бонкии кишвар, нишондиҳандаҳои макроиқтисодӣ ва ислоҳоти дар низоми бонкии кишвар татбиқшаванда ошно намуда, иброз дошт, ки новобаста аз таъсири омилҳои буҳронӣ ба кишвар, Ҷумҳурии Тоҷикистон тавонист устувории иқтисодиётро таъмин намояд.
Зимни вохӯрӣ ҷонибҳо самтҳои афзалиятноки ҳамкории судмандро барои расонидани кумаки техникӣ дар ҷанбаҳои гуногуни низоми бонкии кишвар мавриди баррасӣ қарор доданд. Аз ҷумла, дар самти сиёсати монетарӣ, суботи молиявӣ, таҳлили хавфҳо, таҳияи дурнамо бо назардошти маълумоти оморӣ, таҳияи методология ва усулҳои самарабахши таҳияи он муколамаи пурмӯҳтаво доир карда, вобаста ба рушди ҳамкории минбаъда ибрози назар намуданд.
Директори Департаменти кумакҳои техникии Бонки миллии Швейтсария Марко Кавалиере дар мавзӯи «Ҳамкории дуҷониба ва усули кумаки техникӣ», ки доираи фаъолияти Департаменти мазкур ва самтҳои асосии ҳамкорӣ ҷиҳати расонидани кумакҳои техникиро фарогир аст, муаррифии муфассал манзур намуд.
Директори Департаменти кумакҳои техникии Бонки миллии Швейтсария Марко Кавалиереро дар сафари расмӣ кормандони бонки мазкур Гилберт Хайм ва Нодира Хоункер ҳамроҳӣ доранд.
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
