Ҳусайн Нидозода вакили Маҷлиси намояндагон гардид
ДУШАНБЕ, 30.05.2017/АМИТ «Ховар»/. Ҳусайн Нидозода, роҳбари Дастгоҳи раиси ноҳияи Панҷ аз ҳавзаи ягонаи умумиҷумҳуриявӣ мувофиқи рӯйхати дахлдори Ҳизби Халқии Демократии Тоҷикистон ба гирифтани мандати вакили Маҷлиси намояндагони Маҷлиси Олии Ҷумҳурии Тоҷикистон мушарраф гардид. Дар робита ба ин 29 май Бахтиёр Худоёрзода, раиси Комиссияи марказии интихобот ва раъйпурсии Ҷумҳурии Тоҷикистон дар ҷаласаи Комиссия ба Ҳусайн Нидозода шаҳодатномаи вакилӣ супорид. Инчунин аъзои Комиссия Ҳ. Нидозодаро ҳамчун вакили Маҷлиси намояндагони Маҷлиси Олии Ҷумҳурии Тоҷикистон ба қайд гирифта, ваколаташро тасдиқ намуданд.
Бояд тазаккур дод, ки Ҳ. Нидозода забоншинос буда, вай дар палатаи поёнии Парлумони Тоҷикистон-Маҷлиси намояндагон ба ивази намояндаи ҲХДТ Дилшод Исматуллозода, ки 8 май бо Амри Президенти Ҷумҳурии Тоҷикистон муовини роҳбари Дастгоҳи Президенти Ҷумҳурии Тоҷикистон таъйин шуд, тибқи рӯйхати ҲХДТ вакили Маҷлиси намояндагон гардид.
Мавриди зикр аст, ки ваколати вакили Маҷлиси намояндагон Дилшод Исматуллозода бо сабаби ба вазифаи дигар таъйин шуданаш 11 майи соли равон бо Қарори палатаи поёнии Парлумони Тоҷикистон пеш аз муҳлат қатъ гардид.
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
